Gruaja ekzekuton burrin në mes të tregut, ja detajet …
Një krim i rëndë ka ndodhur mëngjesin e sotëm , ku një grua 35-vjeçare ka vrarë bashkëshortin e saj. Ngjarja ka ndodhur rreth orës 7:10 në tregun e Milotit.
Kujtim Donaj 42 vjeç është ekzekutuar me pistoletë nga gruaja e tij, Violeta Donaj në një zonë mjaft të populluar.
Pas ngjarjes, gruaja ka tentuar të largohet nga vendi i ngjarjes, por policia e ka ndjekur dhe e ka arrestuar.
Nuk dihen shkaqet që çuan në ekzekutimin e 42-vjeçarit në një vend publik nga vetë bashkëshortja e tij.
Policia ka mbledhur provat dhe ka kërkuar dëshmitarë.
NJOFTIMI I POLICISE SE LEZHES
Informacion paraprak
Me datë 17.06.2018, rreth orës 07:10 , në tregun e Milotit në Kurbin, shtetasja V.D. 35 vjeçe, banuese në Rrëshen, për motive ende të paqarta, ka vrarë me armë zjarri tip pistoletë, bashkëshortin e saj, shtetasin K.D. 42 vjeç, banues në Rrëshen.
Menjëherë pas ngjarjes, shtetasja V.D. ka tentuar të largohet por ndërhyrja në kohë e forcave policore, ka bërë të mundur kapjen dhe arrestimin e saj në flagrancë si dhe sekuestrimin e armës së zjarrit tip pistoletë me të cilën është kryer krimi.
Grupi hetimor në bashkëpunim me Prokurorinë e Rrethit Gjyqësor Kurbin, po vazhdojnë hetimet në vendngjarje për zbardhjen e plotë të rrethanave të ngjarjes.
