Grup i strukturuar kriminal/ Procesi kundër Saimir Tahirit fillon më 19 Qershor

Sot është caktuar data e fillimit të procesit kundër Ish-ministrit të Brendshëm, Saimir Tahiri.

Kështu, më 19 Qershor, Saimir Tahiri i pandehur për trafik ndërkombëtar droge dhe grup të strukturuar kriminal zhvillon seancën e parë para trupit gjykues: Ardit Mustafaj, Flora Hajredinaj dhe Irena Gjoka.

Ndryshe, për më shumë së 16 muaj, Prokuroria për Krimet e Rënda hetoi për Tahirin, ndërsa vendosi ta marrë të pandehur për akuzën e “Trafikimit të lëndëve narkotike” në kuadër të grupit të strukturuar kriminal. “Pjesëmarrje në grup të strukturuar kriminal”, “Kryerje e veprave penale në kuadër të grupit të strukturuar kriminal” dhe “Korrupsion pasiv i funksionarëve të lartë”.

Hetimet për Saimir Tahirin, nisën në nëntor të 2017-ës, pas publikimit të një pjese të dosjes së Katanias, ku në disa përgjime përmendej emrin e ish-ministrit, nga anëtarë të grupit Habilaj, drejtuar nga dy kushërinjtë e tij, Artan dhe Moisi Habilaj.

Gjykata për Krime të Rënda, pranoi më datë 26 mars kërkesën e prokurorisë, duke çuar në gjykim Saimir Tahirin dhe e ish policët, Jaeld Çelën,Gjergji Kohilën dhe Sokol Boden.