Grupi Parlamentar i PD, ja çështjet që u diskutuan…

Pas mbledhjes së kryesisë dhe në prag të seancës plenare të së enjtes, kryetari i Partisë Demokratike, Lulzim Basha ka mbledhur Grupin parlamentar ku u diskutuan çshtjet aktuale.

Mësohet se pika e parë që është diskutuar lidhet me qëndrimin që do të mbajë Partia Demokratike ndaj seancës parlamentare të së enjtes ku do të diskutohet për buxhetin.

Pika e dytë e diskutimit lidhet me mbështetjen në çdo kohë të protestës së banoreve tek Unaza e Re.

Pika e tretë ishte përfundimi i zgjedhjeve brenda partisë. Ludhir me këtë çështje, Basha kërkoi që procesi i zgjedhjes së kryetarëve të degëve të përfundojë brenda dy javëve të ardhshme. Kjo i paraprin edhe mbledhjes së Kuvendit Kombëtar i cili është parashikuar të mbahet më 15 dhjetor.

Pas Kuvendit Kombëtar është parashikuar që të filloj puna me ngritjen e shtabeve elektorale.

“Ne duhet të diktojme axhendën politike në vend, siç kemi bërë deri tani,” është shprehur kryetari i PD, Lulzim  Basha.

Pika e katërt ishte informim për misionin e Venecias në Tiranë. Opinioni i Komisionit të Venecias pritet pas dy javësh.