Grupi Parlamentar i PD, Noka: Sot në orën 17:00 do shihni dy beteja!

Deklarata e Arben Ahmetajt ishte një alarm i madh se në Shqipëri ka dy organizata kriminale, tha Sekretari i Paërgjithshëm i Partisë Demokratike, Flamur Noka, pas mbledhjes së Grupit Parlamentar të PD, duke fol për qeverinë që vjedh dhe vetëm vjedh, pronarin e inceneratorit të Tiranës Erion Vleiaj, dhe inceneratorët e tjerë, Edi Rama, si dhe organizatën e dytë kriminale të quajtur SKAP, e cila vepron me urdhër politik duke mbuluar gjurmët e krimit të organizatës së parë.

“Pra, SKAP-i mbulon pronarin real të inceneratorit të Tiranës, Erion Vegliaj. Ju kujtoj deklaratën e Altin Dumanit se nuk ka pronar. Arben Ahmetaj rrëzoi deklaratën e Dumanit, duke thënë se pronari i inceneratorit është Erion Veliaj dhe një biznesmen me 40 përqind,” tha Flamur Noka duke konstatuar se të dhënat që tha zoti Ahmetaj janë rrëqethëse.

“Në rast se në Shqipëri do të kishte një drejtësi të pavarur dhe këtu është një moment për SKAP-in për ta provuar veten, sot qeveria do të kishte rënë. Sot SKAP-i duhet të merrte të pandehur dy persona, Erion Veliaj dhe Edi Ramën dhe sigurisht bashkëpronarin e inceneratorit të Tiranës, një Blerim Hoxha,” tha Flamur Noka duke shtuar se në Grup është diskutuar edhe situata e agravaur në mënyrë të vazhdueshme në parlament.

“Edi Rama me lëvizjet që bën dhe veprimet e tij në atë parlament po kërkon të nënshtrojë opozitën dhe ta shkelë atë. Përjashtimi i vazhdueshëm i deputetëve, dhe kryesisht përjashtimi i 19 deputetëve në seancën e fundit, tregon qasjen armiqësore të Edi Ramës ndaj opozitës,” tha në fund Sekretari i Përgjithshëm i Partisë Demokratike duke i bërë thirrje demokratëve:

“Sot pasdite në orën 17:00, protestë për parlamentin, për parlamentarizmin, për demokracinë, për pluralizmin, për drejtësinë që është kthyer në padrejtësi dhe për Shqipërinë.”

Deklaratë:

Grupi parlamentar i PD diskutoi me shqetësim të madh situatën që vjen si pasojë e deklaratave të numrit 2 të Rilindjes, i cili qartësoi shqiptarët se kemi të bëjmë jo me një qeveri, por me një organizatë kriminale të tipit mafioz që kërcënon me jetë çdo njeri që i del kundër.

Deklaratat e Arben Ahmetajt në një nga mediat e këtij vendi ishte një alarm i madh se në Shqipëri ka dy organizata kriminale.

E para është qeveria që vjedh dhe vetëm vjedh, dhe që pronarët e inceneratorit për Tiranën është Erion Vleiaj dhe për inceneratorët e tjerë është Edi Rama.

Dhe e dyta se ka një organizatë kriminale tjetër të quajtur SKAP, e cila vepron me urdhër politik në prapavijë duke mbuluar gjurmët e krimit të organizatës së parë.

Pra, SKAP-i mbulon pronarin real të inceneratorit të Tiranës, Erion Vegliaj. Ju kujtoj deklaratën e Altin Dumanit se nuk ka pronar. Arben Ahmetaj rrëzoi deklaratën e Dumanit, duke thënë se pronari i inceneratorit është Erion Veliaj dhe një biznesmen me 40 përqind.

Të dhënat që tha zoti Ahmetaj janë rrëqethëse.

Në rast se në Shqipëri do të kishte një drejtësi të pavarur dhe këtu është një moment për SKAP-in për ta provuar veten, sot qeveria do të kishte rënë. Sot SKAP-i duhet të merrte të pandehur dy persona, Erion Veliaj dhe Edi Ramën dhe sigurisht bashkëpronarin e inceneratorit të Tiranës, një Blerim Hoxha.

Gjëja e dytë që diskutoi grupi është situata e agravaur në mënyrë të vazhdueshme në parlament.

Edi Rama me lëvizjet që bën dhe veprimet e tij në atë parlament po kërkon të nënshtrojë opozitën dhe ta shkelë atë.

Përjashtimi i vazhdueshëm i deputetëve, dhe kryesisht përjashtimi i 19 deputetëve në seancën e fundit, tregon qasjen armiqësore të Edi Ramës ndaj opozitës.

Për këtë, ne kemi të thërrasim sot pasdite në orën 17:00, një protestë për parlamentin, për parlamentarizmin, për demokracinë, për pluralizmin, për drejtësinë që është kthyer në padrejtësi dhe për Shqipërinë.

Pyetje: Sot në protestë do të jetë grupi i Bardhit?

Flamur Noka: Sot në protestë do jenë të gjithë demokratët, do të jenë të gjithë deputetët që janë të përjashtuar. Ne, që momentalisht nuk jemi akoma të përjashtuar, do jemi brenda duke zhvilluar beteja. Pra sot do shihni dy beteja sot, një betejë brenda në parlament dhe një jashtë.

Pyetje: Para pak ditësh keni paralamëruar se bashkimi i demokratëve është punë ditësh. Çfarë formule do të përdoret për të bashkuar partinë, kur do të ndodhë. 

Flamur Noka: Bashkimi i demokratëve nuk ka nevojë më për tu diskutuar. Është gjithçka në proces.

Pyetje: Pra  nuk ka një lajm sot …

Flamur Noka: Ne ishim sot bashkë të gjithë, nuk ka nevojë për lajme. Unë e kuptoj se ju çdo ditë keni nevojë për lajme ditore brenda opozitës dhe është gjë e mirë, sepse e vetmja forcë që ju jep informacion dhe transparencë është opozita, sepse përballë keni bunkerin që nuk ju jep asgjë. Mos u bëni merak, opozita është e bashkuar dhe gjithçka është drejt finalizimit.

Pyetje: Në lidhje me deklarata e Ahmetajt, çfarë vendimmarrje do të ketë grupi parlamentar. Ju si grupim çfarë do të kërkoni nga kryeministri.

Flamur Noka: Interpelancë nuk është kërkuar nga grupi i PD. Rama për të larë veten dhe për të mbyllur, tentuar ti vejë kapak këtij megaskandali, këtij Ramagate të fundit, përdor si gjithmonë në raste të tilla, Bravën i cili kërkon për ti larë kokën që e ka të baltosur në krim dhe korrupsion. Kaq është ajo interpelancë. Opozita është e gjitha në aksion. Ne jemi këtu  për përshkallëzim të aksionit. Ajo protestë që bëhet përballë parlamentit të krimit dhe narkotrafikut është përshkallëzim i aksionit. Grupi parlament e diskuton në çdo mbledhje.

Pyetje: Çfarë duhet të presion sot. Çfarë do të thotë përshkallëzim, pasi të tilla deklarata i keni para çdo seance parlamentare.

Flamur Noka: Grupi diskutoi përshkallëzim. Sot protestë në parlament. Nesër diku tjetër. Kemi një organizatë kriminale e cila kush shkel kodin omerta të mafias, kërcënohet me jetë. Kërcënimi i Ahmetaj është tipik.

Pyetje: Çfarë duhet të ndodhë më që të shkojmë te protesta kombëtare.

Flamur Noka: Protestat do të rriten. Ne sot po e them kemi thirrur një protestë. Në vazhdimësi do të na shikoni ne deputetët e opozitës, drejtuesit e opozitës, jo vetëm të PD-së në krye të aksioneve. Rama nuk do të gjejë më paqe dhe kjo qeveri, sepse nuk e meriton Shqiptarët nuk meritojnë të qeverisen nga një organizatë kriminale, ata e meritojnë të qeverisen nga një qeveri normale dhe dinjitioze, siç e ka çdo vend i Europës, shqiptarët nuk e kanë.

Pyetje: Për veprimet e kryera në seancën e plenare janë përjashtuar 19 kolegët tuaja. A keni diskutuar me kolegët tuaj për ndryshimin e strategjisë, sepse kjo strategji po sjell zbrazjen e sallës së parlamentit deri në 60 ditë.

Flamur Noka: Kur ju thashë përshkallëzim, do të thotë se aksioni do të përshkallëzohet edhe brenda parlamentit. Kini durim. Ata mendojnë se me masa armiqësore ndaj opozitës do ta zgjidhin situatën, ne u themi se kanë bërë hesapet pa hanxhinë. Një nga diskutimet në grup ishte edhe përshkallëzimi i aksionit brenda asaj salle që nuk përfaqëson me shqiptarët.

Pyetje: Si mund të përshkallëzohet brenda sallës?

Flamur Noka: Do ta shikoni live. Edi Rama mendon se mund të gjynjëzojnë deputetët e opozitës dhe mund të marrin marrin peng parlament. Ta harrojnë se mund të  shkelin me këmbë opozitën. Vetëm duroni.