Grupi Parlamentar i PS, Çuçi: Të enjten votojmë Protokollin me Italinë!

Kryetari i Grupit Parlamentar të Partisë Socialiste, PS, Bledi Çuçi, sot në prag të seancës plenare bëri një përmbledhje para deputetëve socialist të axhendës parlamentare për këtë javë ndërsa u kërkoi pjesëmarrje me theks të veçant për seancën e ditës së enjte kur pritet të kalojë Protokolli me Italinë për Bashkëpunimin në fushën e Emigracionit

Në këtë seancë plenare pritet të kalojnë edhe disa marrëveshje të rëndësishme, ndërsa për amnistinë penale, Bledi Çuçi tha se nëse do të arrihet dakordësi me opozitën edhe ky ligj do të përfshihet në seancën e ditës së enjte.

Me këtë Kryetari i Grupit Parlamentar të Partisë Socialiste shprehu dakordësi në parim për të zgjeruar bazën e përfituesve prej amnistisë ashtu siç ka propozuar dhe opozita. Shqetësim për miratimin pa vonesa të këtij ligji shprehu gjatë mbledhjes edhe Ministri i Drejtësisë, Ulsi Manja.

Ndryshe, sot, ndërsa socialistët vazhdojnë me seancën plenare opozita ka paralajmëruar protesta për orën 17:00 para Kuvendit të Shqipërisë!