Grupi për PD: Ibsen Elezi të rikthehet në garë; Harxhi: Basha s’bëri asnjë akt perëndimor!
Grupi për PD sot kërkoi rikthimin në garë të Ibsen Elezit ndërsa nga Lulzim Basha deklarimin e burimeve financiare dhe logjistike të fushatës së tij, siç duhet të bëjnë të gjithë kandidatët në garë. Ndërkohë kanndidatja e këtij Grupi për Kryetar të PD, Edith Harxhi, ështe bindur se demokratët do ti besojnë votën dhe se ky është fundi i tranzicionit shqiptar ndërsa vlerësoi se Lulzim Basha nuk bëri asnjë akt perëndimor, sepse ka katër herë që humb dhe nuk është treguar aspak europian.
“Marrëdhënia ime personale me Berishën mbetet ajo që ka qenë përherë. Unë marr votën e demokratëve, ata besojnë tek unë dhe vlerat, e programi im, për të ngritur PD-në në idealet e 1991. Ndoshta në mbrëmje nxjerr programin e ri, unë jam e bindur se demokratët do më besojnë votën. Ky është fundi i tranzicionit shqiptar. Basha nuk bëri asnjë akt perëndimor, sepse ka katër herë që humb dhe nuk është treguar aspak europian. Ky grup do kërkojë reformimin e plotë të PD-së,” tha Harxhi duke përfunduar:
“Grupi do të punojë, por unë jam e sigurt që nuk do ketë nevojë, sepse Basha do jetë më 14 qershor përballë një surprize.”
Ndërsa sot Grupi për PD i është drejtuar përmes një kërkese Kryesisë së Partisë Demokratike, pas vendimit për përjashtimin nga gara për Kryetar të Ibsen Elezin. Grupi për PD-në thotë se ky përjashtim është antistatutor, anti demokratik dhe deformon procesin zgjedhor” dhe kërkon rikthimin e tij si kandidat në këtë garë.
Letra e plotë
Pas vendimit të Kryesisë së PD, Grupi për PD-në konstaton se:
1. Përjashtimi nga gara i zotit Ibsen Elezi është antistatutor, anti demokratik dhe deformon procesin zgjedhor në PD.
Grupi për PD kërkon ndryshimin e menjëhershëm të këtij vendimi dhe rikthimin e Ibsen Elezi në garën për kryetar.
2. Kryesia e PDSH dhe Komisionoi Zgjedhor janë të detyruar të vënë në dispozicio të kandidatëve për Kryetarë të PDSH-së, jo më vonë se data 25 mmaj 2021, listën e plotë të anëtarësisë së PSSH-së.
3. Të rishikohet përbërja e Komisionit Zgjedhr dhe atyre në nivel dege, duke përfshirë përfaqësues të kandidatëve për Kryetar.
4. Të hartohet një axhendë e takimeve të përbashkëta të kandidatëve me anëtarësinë, për të shplaosur platformat politike dhe zhvillimin e debatit.
5. Zyra e Organizimit dhe kryesitë e degëve të venë në funksion të kandidatëve për kryetar të PDSH-së infrastrukturën dhe burimet administrative për zhvillimin e takimeve të përbashkëta të siërcituara.
6. Kryetari në detyrë i PDSH-së, Lulzim Basha duhet të deklarojë burimet financiare dhe logjistike të fushatës së tij, sic duhet të bëjnë të gjithë kandidatët në garë.
Mbetemi në pritje të plotësimit të këtyre kërkesave të domosdoshme për një garë të hapur, të barabartë dhe të mbështetur në vlerat më të mra perëndimore të PDSH.
