Hagë, Haradinaj mbrohet në heshtje

Pas përfundimit të intervistimit të Ramush Haradinajt nga Dhomat e Specializuara në Hagë ai ka bërë të ditur se ka zgjedhur të mos përgjigjet në asnjë nga pyetjet, por me pjesëmarrjen e tij ka kryer obligimin ligjor që t’i përgjigjet ftesë së Speciales, si i dyshuar.

Haradinaj tha se do të kthehet në Kosovë dhe është i gatshëm për zgjedhjet e reja, dhe se do e respekton votën e shumicës, pavarësisht për kë shkon ajo.

Me këtë rast ai sqaroi se nuk e di pse është i dyshuar, por e di se ëhstë ftuar për shkak të rolit të tij në UÇK.

“Jam paraqitur si i dyshuar për të kryer obligimin ligjor në bazë të një ftesë të dhoma të specializuara. Kam pranuar këshillën ligjore që mos me u përgjigjem fare në pyetje. Unë kam kryer obligimet e mia ndaj gjykatës. Janë procedura ligjore,  jo për me fsheh diqka, por nuk ka ndonjë përmbajtje që jam njoftuar me diçka, nuk e di pse jam i dyshuar. Roli në UÇK, por jo diçka në përmbajtje,” tha Haradinaj duke përsëritur se janë për dialog me Serbinë por pa kushte dhe për një marrëvehsje mes dy vendeve.

Përkundër propagandës së Beogradit mbi provat e reja, Ramush Haradinaj tha se prokuroria nuk ka paraqitur ndonjë obligim tjetër ndaj tij, prandaj tha se do kthehet në Kosovë i gatshëm për të kërkuar votat e qytetarëve.

“Jam i gatshëm për të gjitha, qoftë nëse na fton kryeparlamentari për shpërbërjen e parlamentit qoftë presidenti për të caktuar datën e zgjedhjeve. Nuk janë zhvillime të thjeshta, jam detyruar me dhanë dorëheqje, me shku në zgjedhje. Për fat të mirë ka stabilitet në Kosovë. Besoj se Kosova është e qëndrueshme, nëse populli më jep besimin vazhdoj punën, nëse jo, i uroj sukses kushdo që merr besimin”, tha Haradinaj duke shprehur shqetësimin për popullin mbi kurrrizin e të cilit do të bien shpenzimet për zgjedhjet e reja.