Hahn e thotë prerë: Do vazhdojnë bisedimet për hapjen e negociatave, ja çfarë presim

Do të vazhdojnë bisedimet për hapjen e negociatave. Kështu u shpreh Komisioneri për Zgjerimin, Johannes Hahn, duke konfirmuar në këtë mënyrë se nuk ka asnjë vendim që në qershor të 2019 do të hapen negociatat.

Duke folur në një konferencë me Kryeministrin Rama, Hahn është shprehur se ‘sa më shumë të bëhet aq më shumë do të jemi të përgatitur për negociatat.

“Ne do të jemi dhe në Tiranë do takohemi me kryeministrin Edi Rama, do të flasim me qeverinë dhe opozitën pasi është shumë e rëndësishme për shoqërinë, të arrijmë atë qëllim që i përket gjithë shoqërisë shqiptare.

Është qëllim i përbashkët që na përket të gjithëve; kemi një zhvilluar një takim të frytshëm për sa i përket bashkëpunimi tone”, është shprehur Hahn.

Z. Hahn çfarë biseduat me z. Rama? Çfarë prisni nga qeveria shqiptare?

Hahn: Para së gjithash të vazhdojë procesin e reformave sepse arsyeja pse pati kaq mbështetje nga vendet anëtare ishte se pati rezultate me procesin por duhet të vazhdojë, puna duhet të vazhdojë, sepse ne këtu kemi 35 kapituj dhe duhet të shikojmë sesi situata ligjore është në përputhje me BE. Sa më shumë të bëhet aq më shumë do të jemi të përgatitur për negociatat zyrtare pra një punë që duhet bërë. Ne jemi si të them në fillim të të gjithë procesit dhe kjo është përcaktuar qartë nga këshilli dhe komisioni duhet të fillojë përgatitjet për negociatat dhe kjo ka ndodhur me të gjitha vendet anëtare në të kaluarën.