Hajdari takim me Hovenier, vlerësohet bashkëpunimi Kosovë-SHBA

Ministrja e Industrisë, Ndërmarrësisë dhe Tregtisë e Kosovës, Rozeta Hajdari, në takim me Ambasadorin e SHBA në Prishtinë, Jeffrey Hovenier, e njoftoi mbi objektivat e ministrisë që drejton, tërheqjen e investimeve, me qëllim të rritjes së punësimit dhe përmirësimit të bilancit tregtar me bazë në parimet e përgjegjësisë, llogaridhënies, transparencës, barazisë dhe gjithëpërfshirjes.

“Në takim u vlerësua bashkëpunimi ndërmjet dy shteteve mike dhe u ritheksua gatishmëria për intensifikim të bashkëpunimit në fushat që mbështesin zhvillimin ekonomik dhe integrimin euroatlantik të Kosovës,” thekson Ministrja e Industrisë, Ndërmarrësisë dhe Tregtisë e Kosovës, RozetaHajdari, përmes rrjetit social Facebook pas takimit me Ambasadorin amerikan në Prishtinë, Jeffrey Hovenier, të cilin e falënderoi për mbështetjen e vazhdueshme të SHBA për Kosovën.