Hajdarmataj dhe Çela/ Fituan gjyqin, ja kur vendos KLP kthimin e tyre në detyrë

Pasi fituan gjyqin me Kryeprokuroren Arta Marku në Gjykatën Administrative, dy ish-drejtuesit e Prokurorisë së Krimeve të Rënda, Besim Hajdarmataj dhe Olsian Çela, kërkojnë të rikthehen në detyrën atje ku ishin para se të zbatoj urdhërin e Edi Ramës, Kryeprokurorja e përkohshme e Përgjithshme.

Kërkesa e tyre është shqyrtuar dje në Këshillin e Lartë të Prokurorisë, por nuk ka marrë pëlqimin e shumicës së anëtarëve për të dalë në një vendim. Për këtë, KLP ka vendosur se do ta shqyrtojë këtë çështje më 7 janar të vitit që vjen.

Ndryshe, dy prokurorët, Besim Hajdarmataj dhe Olsion Çela e kanë fituar betejën me kryeprokuroren Arta Marku pasi Gjykata Administrative e ka konsideruar si të paligjshëm urdhërin e Arta Markut për transferimin e prokurorit Besim Hajdarmataj në Pogradec dhe Olsion 
Çelës në Berat.

“Gjykata vlerëson se urdhri bie kundërshtim me nenin 59 të ligjit numër 96 2016. Ai nuk përmban elementët e domosdoshëm të kërkuar nga ky ligj. Për këtë arsye, ky akt duhet shfuqizuar”, thuhet në vendimin e Administratives.

Urdhëri për transferim u dha në shtator të këtij viti, pasi Hajdarmataj firmosi për sekuestrimin e pasurisë për grupin e Habilajve. 

Hajdarmataj ka qenë edhe drejtues i Prokurorisë se Krimeve të Rënda, kur kërkoi arrestimin e ish-ministrit Saimir Tahiri, por u shkarkua nga Marku, duke e transferuar në Pogradec.

Ky vendim i Gjykatës Administrative i hapi rrugë rikthimit të dy prokurorëve të Krimet e Rënda, të cilët pas betejës me Kryeprokuroren e Edi Ramës ju duhet të ballafaqohen me KLP-n e Edi Ramës.