Hajdutët evropian makinat i çmontojnë në pjesë, në shënjestër kamperë dhe motorë deti
Me qëllim të transportit të mëtejmë të makinave të vjedhura, grupet kriminale nga e gjithë Evropa gjithnjë e më shumë po punojnë drejt çmontimit të makinave në pjesë, e në shënjestër aktualisht janë kamperët dhe motorët e detit, kanë bërë të ditur nga Agjencia për roje europiane kufitare dhe bregdetare, Frontex.
Drejtoria e Policisë së Kroacisë sot ka bërë të ditur se zyrtarët për zbatimin e ligjit nga 23 shtete anëtare të Bashkimit Europian ishin të përfshirë në operacionin “Ditët e përbashkëta të aksionit (JAD) Mobile 5”, të përqëndruar në zbulimin e makinave të vjedhura dhe autopjesëve, por dhe në trafikimin e njerëzve dhe me këtë edhe të dokumenteve të falsifikuara.
Këtë vit Frontex ka shfrytëzuar ekipet e lëvizshme në Kroaci me pajisje teknike për zbulimin e makinave të vjedhura.
Më lehtë kalojnë kufirin
Në pikun e pandemisë është konfirmuar se për shkak të mbylljes së kufijve, grupet kriminale që merren me vjedhjen e makinave në gjith Evropën i janë kthyer çmontimit të makinave në pjesë, në më nyrë që ta kalojnë kufirin më lehtë.
Në rritjen e interesit të madh ndër udhëtarë që duan ti shmangen fluturimeve, kamperët janë bërë shënjestër e dashur për hajdutët e makinave, si dhe motorët e detit sepse në mungesë të anijeve në treg shumë njerëz po i përdorin për transportin e emigrantëve, përshembull për La Manche.
Aksioni në muajin tetor zgjati për 12 ditë me një kotroll të shtuar për verifikim në disa pika përgjatë kufirit të jashtëm të Bashkimit Europian.
Në gjurmët e makinave të vjedhura
Me konfiskimin e 522 makinave të vjedhura, autopjesëve të ndryshme dhe motorëve të detit, si dhe zbulimin e katër uzinave të mëdha ku makinat e vjedhura çmontoheshin me shpejtësi në pjesë, rezultoi se ato kontrabandoheshin më lehtë përmes kufirit.
“Makina e vjedhur para një shtëpie në orën 20:00, për vetëm 4 orë mund të përfundoj e ndarë në pjesë, dhe pastaj do të jetë shumë e vështirë të ndjekësh gjurmën e makinës së vjedhur,” shprehet eksperti i cili koordinoi operacionin e Frontex, Marcin Skowronek.
Aksioni operativ ishte i drejtuar në krimin e organizuar ndërkufitar në gjithë Evropën dhe kryesisht ishte i përqëndruar në zbulimin e makinave të vjedhura dhe autopjesëve, por, kur dihet se veprat penale zakonisht shkojnë nga dora në dorë me aktivitetet tjera kriminale, aksioni ishte i drejtuar edhe në trafikimin e njerëzve dhe lidhur me këtë edhe në falsifikimin e dokumenteve.
Kështu janë arrestuar 91 trafikantë me qenie njerëzore dhe janë zbuluar 110 dokumente të falsifikuara.
