Hajdutët futen aty ku ishte e pamundur, plaçkitet avioni strategjik i Rusisë Il-80

Deri sot mund të konsiderohej e pamundur por jo më, hajdutët arritën të futen në avionin ushtarak rus Il-80. Fjala është për avionin i cili shërben si avion komandues strategjik në rast të një konflikti bërthamor.

Autoritetet ruse ngushëllohen me këtë dështim nga fakti se avioni ishte në servisim, në rajonin e Rostovit, dhe se plaçkitja ka ndodhur në uzinën “Berijev” por sa qëndron kjo!

RIA Novosti raporton se policia ka biseduar me përfaqësuesit e kësaj kompanie ndërkohë zëdhënësi i ministrisë së Brendshme ka konfirmuar se hetimet vazhdojnë.

Flota e avionëve Il-80 (dihet që janë katër avion të këtij lloji), është e vendosur në afërsi të Moskës dhe janë pjesë e njësitit special.

Në rast të një luftë bërthamore, avionët Il-80 shfrytëzohen për transportin e zyrtarëve rus, duke përfshirë dhe presidentin.

Për dallim nga avionët me të cilët lëviz Presidenti I Rusisë, dhe që janë vetëm VIP, Il-80 ka mbrojtje nga efektet bërthamore, dhe në këtë avion është I integruar një pjesë e sistemit komandues të forcave bërthamore ruse.

Gjithsesi, që autoritet e sigurisë kanë dështuar dhe priten shkarkime, e konfirmon fakti se nga ky avion, Presidenti i Rusisë, ka mundësi të lëshoj edhe raketa interkontinentale nga deti ose toka, ose të marrë vendime të tjera të rëndësishme.