Hakmarrja e Bashës/ Emërohet Kryetari i ri i PD Fier, reagon Luan Baçi

Pas emërimit të Agron Kapllanajt në detyrë të kryetarit të PD Dega Fier nga ana e Kryetarit Lulzim Basha, deputeti Luan Baçi i cili ushtronte këtë post mblodhi Kryesinë e Degës ku bëri të ditur se nuk ka asnjë vendim zyrtar për shkarkimin e tij.

“Jam i mendimit që duhet të qarkullojnë drejtuesit, por të bëhet në mënyrën e duhur. Qëllimi është që PD të jetë e bashkuar. Nuk bëhet fjalë për emra të përveçëm, por për Partine Demokratike,” tha sot Luan Baçi i cili gjatë takimit të jashtëzakonshëm të Kryesisë së PD në Fier u shpreh se ka kërkuar nga Basha që të mos komandojë emër tjetër pa pyetur më parë drejtuesit e PD atje.

“Nuk ka asnjë vendim zyrtar qoftë për komandim të X apo Y, apo për pezullimin tim. Kam patur një takim mbrëmë 10 minuta, ka bërë një propozim për komandim dhe kërkonte dorëheqjen time, gjë që nuk e kam dhënë. I kam thënë nuk po jap dakordësi si individ pavarësisht se kam edhe pozicionin e deputetit dhe kryetarit të degës, pa pyetur Kryesinë e Degës.”

Ndërkohë mësohet se nga 600 delegatë sa ka Qarku Fier, 520 prej tyre kanë firmosur për Kuvendin e jashtëxakonshëm Kombëtar të PD.

Ndonëse është e qartë se kemi të bëjmë me një hakmarrje të pastër të Lulzim Bashës meqë ky emërim vjen pasi Luan Baçi mori pjesë në “Foltoren” e Sali Berishës, duke e përdor dhe Agron Kapllanajn të cilin e përdhosi në zgjedhjet e 25 Prillit, sot PD u mundua të sqaroi se Luan Baçi nuk është shkarkuar por ai ka dhënë dorëheqjen si Kryetar i PD Dega Fier si pasojë e procesit te kandidimit në zgjedhjet e 25 prillit dhe deri në zhvillimin e zgjedhjeve të reja, me vendim të Kryetarit Lulzim Basha, Kryetar i emëruar i Degës PD Fier do të jetë Agron Kapllanaj, një gjë thelbēsore dhe enigmatike nuk u sqarua nga PD:

Pse Lulzim Basha nuk emëroi Kryetarët e Degëve të tjera që dhanë dorëheqje për shkak të kandidimit në zgjedhjet e 25 Prillit?! Apo gjërat ndryshojnë meqë ata nuk.kanë marrë pjesë në “Foltoren” e Sali Berishës!