Hamasi liron tre pengje izraelite, nuk pritet mirë nga palestinezët
Sot në Rripin e Gazës, Hamasi liroi edhe tre pengje izraelite në këmbim të 110 të burgosurve palestinezë, të cilët do të lirohen sipas marrëveshjes së armëpushimit.
Ushtarja izraelite, Agam Berger, e veshur me një uniformë jeshile, u soll përmes një kalimi të ngushtë midis rrënojave në Jabaliya në Rripin verior të Gazës dhe iu dorëzua Kryqit të Kuq.
Dy pengjet tjera, Gadi Moses, 80 vjeç, dhe Arbel Yahud, 29 vjeç, të rrëmbyer nga Kibbutz Nir Oza më 7 tetor të vitit 2023, të përqafuar në prani të militantëve të maskuar me uniforma të zeza, që u publikua përmes videos nga Xhihadi Islamik, aleat ky i Hamasi.
One WOMAN. Not a soldier. Just a JEWISH woman.
— miha schwartzenberg (@mihaschw) January 30, 2025
Arbel Yehud, alone, 481 days and nights in Hamas captivity.
A Jewish woman who’s name was never mentioned by ANY Women’s Rights org – and that includes @unwomenchief -,women’s magazines,celebrities, feminists. Zero, nada.… pic.twitter.com/O5St9sW0WH
Më pas Yahud iu dorëzua Kryqit të Kuq, rrethuar nga një turmë njerëzish dhe militantë të armatosur palestinezë në shtëpinë e bombarduar të liderit të Hamasit Yahya Al Sinwar në Khan Yunis në Rripin jugor të Gazës.
Prezent ishin dhjetra militantë që tregonin se Hamasi ka ende forca të forta në Rripin e Gazës, pavarësisht të më shumë se 15 muaj bombardimeve izraelite.
“Vrasja e liderëve vetëm i bën njerëzit më të fortë dhe më kokëfortë,” tha zyrtari i Hamasit, Sami Abu Zuhri.
Të burgosurit palestinezë, duke përfshirë 30 të mitur dhe disa anëtarë të grupeve palestineze të dënuar për përfshirje në sulmet vdekjeprurëse në Izrael, do të dërgohen në Bregun Perëndimor ose në Rripin e Gazës më vonë gjatë ditës.
Gjithashtu, pesë shtetas tajlandezë të rrëmbyer nga Hamasi pritet të lirohen, sipas një marrëveshje të veçantë, njoftuan Izraeli dhe Hamasi. Pengjet do të dërgohen në spital për mjekim.
