Hamburg, kapet një anije me 500 kg kokainë, arrestohet 1 person nga…
Në portin gjerman të Hamburgut është kapur një anije që po lundronte nga Afriga e Jugut drejtë Evropës me 500 kilogram kokainë, me ç’rast është arrestuar 1 person.
Fjala është për anijen “Budva” nën flamurin malazez, ka bërë të ditur Drejtoria e Policisë së Malit të Zi me përfundimin e këtij aksioni ndërkombëtar të policisë duke shtuar se pas bashkëpunimit me shërbimet partnere nga Britania e Madhe, Portugalia, Spanja, Holanda, Gjermania dhe Agjencia amerikane DEA, u ndërpre dhe trafiku i kokainës nga Amerika e Jugut drejtë Evropës.
”Realizimi i këtij aksioni policor erdhi pas një hetimi të detajuar ndërkombëtar duke shkëmbyer informacione dhe duke vëzhguar anijen në Portugali, Spanjë, Holandë, Britani të Madh dhe Gjermani. Policia e Malit të Zi, si partner i besueshëm do të vazhdoj me kapacitete të plota të kontribuoj në inicimin dhe zbatimin e hetimeve ndërkombëtare, që do të rezultojnë me zbulimin e individëve dhe grupeve kriminale,që në këtë mënyrë cenojnë reputacionin e këtij profesioni dhe vetë shtetit,” thekson Drejtoria e Policisë së Malit të Zi duke shtuar se në fokus të policisë do të vazhdojnë të jenë shtetasit malazez që shpesh janë marinarë të angazhuar nga anijet e huaja, që kryejnë aktivitete kriminale të trafikut të kokainës nga Afrika e Jugut në Evropë dhe shkelin reputacionin që kanë kuadrot profesionale të Malit të Zi që janë të angazhuara në kompanitë më të njohura detare në botë.
Në fund, raporton Televizioni publik i Malit Zi, RTCG, për shkak të hetimeve të mëtejme që po vazhdojnë në Gjermani, Drejtoria e policisë malazeze thekson se nuk mund të jap detaje tjera të këtij aksioni ndërkombëtar.
