Hanxharët e ISIS në Cannabis State

Në ditët pa bukë, kur shqiptarëve po u mohohet edhe ndihma sociale, impianti i propagandës së Edi Ramës hedhë një shashkë e cila tejkaloi çdo imagjinatë, 600 mijë ushtarë të ISIS që do të strehohen në Shqipëri.

Kjo përrallë, përkundër faktit se erdhi nga mediat perëndimore, ishte një idiotizëm i llojit ramist, i cili edhe kësaj radhe shkrepi në shpërqëndrimin e vëmendjes nga problemet që ka ky vend, ose që i ka krijuar dora vet, kryeministri i Shqipërisë, Edi Rama.

Fillimisht gomerët që u morën me shifrën 600 mijë, dëshmojnë edhe një herë që sensin e masës të cilën e humbi Enver Hoxha, e vuajnë jo pak njerëz. Sikur të kishte në këtë botë 600 mijë ushtarë të penduar të ISIS të shpërndarë nëpër botë, problem nuk do të kishte vetëm Shqipëria, por e gjithë Aleanca ushtarake kundër ISIS. Dhe, nuk do të kishte mekanizëm për ti mbledhur në një vend, qoftë kjo edhe Shqipëria sepse do të hapej edhe një front i ri kundër të penduarve!

Të marrët, që e besuan këtë shashkë propagandistike të Edi Ramës, kishin rastin të shohin 360 mijë refugjatë të regjistruar zyrtarisht gjatë luftës së Kosovës në vitin 1999. Edhe pse e gjithë bota u çua ta ndihmoj këtë krizë humanitare, gjithçka ishte në kolaps, toka, uji, ajri, e shteti nuk e di se ku u arratis. Çdo shpi, çdo apartament, çdo kasolle dhe çdo qytetarë i Shqipërisë ndihmoi vëllezërit e tyre shqiptar nga Kosova, dhe të gjithë ishin në gjendje të mjeruar. Sikur lufta të vazhdonte vetëm edhe ca ditë, do ta shikonte bota suksesin e saj në menaxhimin e të dëbuarve nga shtëpitë e tyre, që sot flasin për 600 mijë ushtarë të penduar që i shërbyen një lufte fetare.

Mediat shqiptare që u  morën aq shumë me këtë çështje dhe përkthimin e shkrimeve “perëndimore” harruan si pa dashje se kush është konsumatori i tyre, ose sa e njohin ata luftën dhe luftëtarët e ISIS( Islamic State of Iraq and Syria) për të cilët shteti shqiptarë na paska shprehë gatishmëri për de-radikalizimin e tyre. Apo edhe janë koshient që kemi të bëjmë me njerëz që komentonin ujgurët, pjesëtarët dhe liderin e  MEK-ut, mbetjet radioaktive dhe nga luftëtarët e ISIS-it njohin vetëm ata burra me hanxharë që presin kokat e jomyslimanëve; Dhe çuditërisht do ti kuroj regjimi i Edi Ramës që nuk la shqiptarët pa e sëmurë në këtë vend!

Propaganda e Edi Ramës dhe mediat që ka në shërbim  harrojnë që luftëtarët e ISIS( Islamic State of Iraq and Syria), janë ekstremist sunit mysliman, që luftën e kanë humbur por jo edhe besimin.  Ata mund të jenë penduar për luftën ose krimet që kanë bërë, por e dijnë se çfarë është  toka e shenjtë, dhe çfarë është toka e mbjellur me drogë; Madje, këtë nuk është se e kanë të qartë vetëm besimtarët ekstremistë.

Dhe për ata mysliman që e kanë edhe idhull Edi Ramën, dhe nuk janë pak. Kryeministri Rama mund të mos e prek me dorë Biblën gjatë muajit të madhërishëm të Ramazanit, por vendi të cilin ai po e udhëheqë po e braktisin edhe bletët, për shkak të sasisë së drogës së mbjellur, dhe këtë fakt e dijnë jo vetëm të penduarit por edhe ata që nuk janë penduar fare e kanë luftuar për ISIS dhe jetojnë në shtetet që janë fqinjë të Shqipërisë.

Lançuesit e propagandës së Fugës në mediat perëndimore e marrin si arsye të vendosjes së këtyre ushtarëve të penduar të ISIS-it, shumicën myslimane në Shqipëri. Pikërisht ky është edhe  argumenti më i fortë se ata nuk kanë se çfarë kërkojnë në këtë vend. Aty ku shumica është myslimane, dhe antimyslimani më i madh fiton shumicën absolute në zgjedhje duke u bërë kryeministër, vetëm shumica nuk është në rregull.

Shumica prej atyre që lançojnë shkrime në mediat perëndimore duke përfshirë këtu edhe  Kryetarin e KMSH, mund të harrojnë veprimet e Edi Ramës kryebashkiak, por  myslimanët nuk harrojnë dot as parakalimet e tij ditëve të xhuma mes për mes besimtarëve në Xhaminë e Et’hem Beut, as mohimin që ai ju bëri për ndërtimin e një xhamie dinjitoze në kryeqytet dhe as atë kapanonin danez që do ta ndërtonte Rama si xhami kryesore në Tiranë, me planin belgo-dako.

Në fund, të gjithë ata që janë trembur nga ardhja e hanxharëmbajtësve të ISIS-it në Shqipëri mund të bëjnë gjumë të qetë  sepse hanxharët e tyre nuk bëjnë punë në në Cannabis State nga Vermoshi në Konispol. Jo që nuk ka nevojë për hanxharë, por hanxhari duhet për të pastruar tokën shqiptare nga droga e mbjellur, për ta de-radikalizuar këtë tokë nga mbjellja me cannabis dhe për ta rikthyer me plehra natyral në tokë buke, atë të cilën Edi Rama nuk e njeh sepse vazhdon të jetoj në botën virtuale të Bllokut…