Hapen kufijtë për shtetasit e huaj të cilët do kalojnë tranzit në Maqedoninë e Veriut

Sot qeveria e Maqedonisë së Veriut ka marr vendim për hapjen e pikave kufitare për shtetasit nga vendet e rajonit dhe më gjërë që kalojnë tranzit. Kështu do të hapen vendkalimet: Tabanovc, Deve Bair, Bogorodicë, Qafë Thanë, Bllacë dhe Aeroporti i Shkupit.

Në hyrje, shtetasit e huaj duhet të tregojnë përmes deklaratës me shkrim se ku shkojnë dhe nuk guxojnë të qëndrojnë më shumë se 5 orë, raporton AlSat. Gjithashtu ndalohet dalja nga autostrada apo rruga lokale përveç adresës që jep në deklaratë.