Hapet EURO 2024 me fitoren spektakolare të Gjermanisë

Gjermania ka arritur të triumfoi me rezultatin e thellë 5-1 kundër Skocisë, në takimin hapës të Kampionatit Europian 2024. Gjermanët nuk zhgënjejnë përpara publikut të tyre duke grumbulluar 3 pikët e para dhe hedhur një hap të madh për kualifikimin nga Grupi A.

Gjithçka filloi nga Virc, i cili shënoi që në minutën e 10-të. Më pas rezultatin do ta dyfishonte Musiala dhe trefishonte Haverc me penallti duke e mbyllur pjesën e parë në avantazhin e 3 golave. Në startin e të dytës, gjermanët arritën të shënonin përsëri, këtë herë me një “predhë” të Fylkryg. Rydiger do të shënonte një autogol duke bërë që Skocia të dilte nga “Allianz Arena” të paktën me një gol nderi. Xhan do t’i “vinte kapakun” takimit me një gol në sekondën e fundit.

Takimin e radhës, Gjermania do ta luaj kundër Hungarisë në Shtutgart me datën 19 qershor. Për sa i përket Skocisë, ata do të luajnë në të njëjtën ditë kundër Zvicrës.

REZULTATI LIVE | GJERMANI-SKOCI 5-1

10′ Virc, 19′ Musiala, 45′ Haverc, 68′ Fylkryg, 90+3′ Xhan / 87′ Autogol Rydiger

FORMACIONET ZYRTARE

GJERMANIA (4-2-3-1): Nojer; Mitelstad, Tah, Rydiger, Kimish; Kros, Andrih; Virc, Gyndoan, Musiala; Haverc | Trajner: Julian Nagelsman

SKOCIA (3-4-3): Gun; Hendri, Porteson, Tierni; Ralston, MekGregor, MekTomini, Robertson; MekGin, Adams, Krisi | Trajner: Stiv Klark

Ndryshe, kjo është hera e parë në historinë e një ndeshje në Europian, ku “panzerat” arrijnë të shënojnë 3 gola në pjesën e parë. Një start i frikshëm ky për gjermanët, që janë padyshim ndër skuadrat favorite për të fituar trofeun./Panorama/