Hapet gara për kreun e BKH, Ambasada e SHBA: Apliko tani!

Pasi Drejtuesi i Strukturës së Posaçme Antikorrupsion dhe Krim i Organizuar, SPAK, Arben Kraja, ka bërë të ditur se është hapur gara për Drejtorin e Byrosë Kombëtare të Hetimit, BKH, i cili do të drejtoj 60 hetues të policisë gjyqësore, Ambasada e SHBA në Tiranë duke vlerësuar se Shqipëria është në hapat e fundit të zbatimit të reformës në drejtësi, i bënë thirrje të gjithë atyre që mendojnë se i përmbushin kriteret, të bëhen pjesë e historisë dhe të aplikojnë tani:

“Nëse mendoni se përmbushni kriteret për të drejtuar një institucion të rëndësishëm të programit kundër korrupsionit në Shqipëri, aplikoni për pozicionin e Drejtorit të Byrosë Kombëtare të Hetimit, BKH,” thekson Ambasada e Shteteve të Bashkuara duke i bërë thirrje prokurorëve, punonjësve të policisë apo policisë Gjyqësore, të gatshëm për të luftuar për drejtësinë që çdo shqiptar meriton, dhe nëse janë person me integritet, përvojë profesionale dhe disa prej të aftësive të nevojshme për të drejtuar dhe frymëzuar një grup prej rreth 60 hetuesish të Byrosë Kombëtare të Hetimit.

Ja statusi i plotë:

Jeni prokuror, punonjës i Policisë së Shtetit apo Policisë Gjyqësore, i gatshëm për të luftuar për drejtësinë që çdo shqiptar meriton?

Jeni person me integritet, përvojë profesionale dhe një sërë aftësish të nevojshme për të drejtuar dhe frymëzuar një grup prej rreth 60 hetuesish të Byrosë Kombëtare të Hetimit?

Nëse mendoni se përmbushni kriteret për të drejtuar një institucion të rëndësishëm të programit kundër korrupsionit në Shqipëri, aplikoni për pozicionin e Drejtorit të Byrosë Kombëtare të Hetimit (BKH).

Shqipëria është në hapat e fundit të zbatimit të reformës në drejtësi.

Bëhu pjesë e historisë, apliko tani: https://bkh.al/aplikim/