Hapet Qendra Kulturore Islame në Sisak, do të mbajë emrin “Recep Tayyip Erdoğan”

Hapet Qendra Kulturore Islame në Sisak të Kroacisë. Me rastin e inaugurimit, Kryetari i Bashkësisë Islame të Kroacisë, Aziz Hasanoviç, bëri të ditur se kjo Qendër do të mbajë emrin “Recep Tayyip Erdoğan”.

Gjithashtu, në ceremoninë e inaugurimit të Qendrës Kulturore Islame në Sisak, Hasanoviç i dorëzoi Presidentit të Turqisë, Erdoğan, Çmimin e Nderit Themelues i Bashkësisë Islame të Kroacisë, raporton Anadolu Agency.

“Jemi krenarë që kemi një derë për të trokitur. Bashkësia Islame e Kroacisë i jep një çmim të veçantë vëllait dhe mikut Erdoğan,” tha ai duke shtuar se Erdoğan është një ndër personat e rëndësishëm të umetit.

Çmime të tilla në historinë 106-vjeçare të Bashkësisë Islame të Kroacisë i janë dhënë vetëm dy personave, tha Aziz Hasanoviç.

“Ky është i treti. Çmimet e tjera u dhanë në vitin 1987 në ndërtimin e Qendrës Kulturore Islame në Zagreb dhe Qendrës Kulturore Islame Rijekë në vitin 2013.”

Kryetari i Bashkësisë Islame të Kroacisë, Aziz Hasanoviç, tha se është njeriu më i lumtur në botë që gjendet krah më krah me presidentin Erdoğan, raporton Anadolu Agency, ndërsa përfundoi:

“Tani e tutje kjo qendër do të quhet Recep Tayyip Erdoğan!”