Hapi negociatat me BE, Edi Rama shkarkon Zef Mazin
Ndonëse e falenderon dhe i njeh kontributin në arritjen e madhe historike të hapjes së negociatave, Edi Rama ka shkarkuar Kryenegociatorin Zef Mazi i cili me hapjen e portës së Bashkimit Evropian e bëri të pakuptimtë dhe qenien e Ballkanit të Hapur që Kryeministri Rama nuk e kapërdiu dot.
“Falenderoj Arben Ahmetajn për kontributin në misionin tonë të përmbushur me një sukses spektakolar për Rindërtimin. Falenderoj Zef Mazin për kontributin në arritjen e madhe historike të çeljes së negociatave; dy bashkëpunëtorë të vlefshëm në një rrugë sfidash që vazhdon,” shprehet Edi Rama përmes rrjetit social Twitter duke shkarkuar dhe njërin ndër njerëzit më të përfolur për Inceneratorët dhe Rindërtimin, Zv/ Kryeministrin Arben Ahmetaj.
Dhe deri sa Ambasadori Zef Masi përveç plangprishësit të Aleksandar Vuçiçit me Ballkanin e Hapur u përfol edhe si intrigant i njohur që kishte gisht në non gratën britanike të Kryetarit të PD, Sali Berisha, Kryeministri Edi Rama e zhduku nga skena politike duke e zëvendësuar me një zonjë që e kishte në kabinetin e tij:
“Tani që prioriteti i Rindërtimit ia le vendin prioritetit të Negociatave me BE,ndërron profili i ministrit të Shtetit. Majlinda Dhuka,një profil i lartë teknik në vend të profilit të lartë diplomatik të ambasadorit Mazi, bëhet Kryenegociatore& Ministre Shteti pranë kryeministrit.”
Në fund, Edi Rama u kujdes ta ul në tokë edhe Kryetarin e Bashkisë Tiranë, Erion Veliaj i cili shpalli rikandidimin e tij pa pyetur njeri duke i bërë të ditur se se ajo që flitet për kandidimin e tij Belinda Ballukut për Tiranën nuk janë fjalë të kota.
Dhe, për të konfirmuar zotësinë e saj, Edi Rama i besoi ministres së Infrastrukuturës dhe Energjisë, Belinda Balluku, postin e Zv/Kryeministres duke i bërë me dije elektoratit socialist se nuk është vetëm vlerë të shesësh fiq, nuk duhet harruar mbesat e gjeneralëve në gjirin e tyre. Për këtë, ai edhe sqaroi përmes rrjetit social Twitter:
“Energjia si sfida më kolosale e kësaj periudhe dhe infrastruktura si sfidë e pandërprerë kombëtare, janë bërë sot edhe marrëdhënie intensive me qeveri e institucione ndërkombëtare. Koha që roli i zv/kryeministrit të fokusohet në këto fusha. Belinda Balluku bëhet zv/kryeministre.”
