Hapja e Urës mbi lumin Ibër, Presidentja e Kosovës: Suksesi arrihet bashkë me aleatë!
Suksesi afatgjatë e i qëndrueshëm arrihet me aleatë, tha Presidentja e Kosovës pas takimit me Komandantin e KFOR-it, gjeneralmajor Ozkan Ulutas ndërsa BE dhe Rusia vazhdojnë betejën e tyre për të mos lejuar hapjen e Urës mbi lumin Ibër në Mitrovicë duke e konsideruar si rrezik për sigurinë në Kosovë dhe rajon, tezë kjo e propapaganduar nga Serbia ndërkohë që qytetarët serbë vazhdojnë të jetëojnë nën presionin e Presidentit serb Aleksandar Vuçiç.
“Hapja e urës si akt normalizimi e integrimi është në interes të të gjithë qytetarëve, pa dallim etnie,” shprehet Vjosa Osmani përmes rrjetit social Facebook pas takimit me komandantin e KFOR-it, Gjeneralmajor Ozkan Ulutas, duek përfunduar:
“Suksesi afatgjatë e i qëndrueshëm arrihet gjithnjë bashkë me aleatë!”
Ndryshe, deklaratat e zëdhënësit të BE-së, Peter Stano, mbi domosdoshmërinë e dialogut me Serbinë për hapjen e Urës mbi lumin Ibër, Presidentja e Kosovës i ka cilësuar raciste ndërsa shtoi se për hapjen e urës nuk pyetet Serbia.
“Deklaratat e zëdhënësit të BE-së janë raciste, nuk ka asnjë arsye dhe kundërshtoj në çdo mënyrë diskutimin e çështjes së hapjes së Urës në Bruksel. Nuk kemi çka e pyesim Serbinë për Urën tonë,” u shpreh në fundjavën e kaluar Presidentja e Kosovës Vjosa Osmani, duke e bërë të qartë se SHBA asnjëherë në takimet që ka zhvilluar, nuk i kanë shprehur qëndrim kundër hapjes së urës, por thjesht kanë kërkuar bashkëpunim në përcaktimin e momentit më të përshtatshëm nga aspekti i sigurisë dhe hartimi të një plani të përbashkët për zbatimin e hapjes së urës, që është në interes të të gjithë qytetarëve tanë.
