Haradinaj anullon vizitën e Vuçiçit në Drenicë. Presidenti i Serbisë niset drejtë Drenicës pa leje…
Kryeministri i Kosovës, Ramush Haradinaj ka bërë të ditur se ka tërhequr lejen që MPJ i ka dhënë presidentit të Serbisë, Aleksandër Vuçiç të shkojë në zonën e Drenicës.
Postimi i Haradinajt:
Siguria e qytetarëve është mbi të gjitha. Kam tërhjekur lejen e dhënë nga Ministria e Punëve të Jashtme për vizitë të Presidentit Serb në zonën e Drenicës. Ky vendim hyn në fuqi menjëherë. RH
Por pavarësisht këtij vendimi të kryeministrit të Kosovës, presidenti i Serbisë, Aleksandër Vuçiç, është nisur drejtë fshatit Banjë të Drenicës, bënë të ditur RTS e cila raporton se në fshatin Banjë situata është e qetë.
Ndryshe, një grup qytetarësh nga Skenderaj ka bllokuar rrugën që çon për në fshatin Banjë të kësaj komune, për t’i pamundësuar presidentit të Serbisë, Aleksandar Vuçiç që ta vizitojë këtë lokacion.
Shoqatat e dala nga ish-strukturat e Ushtrisë Çlirimtare të Kosovës nga kjo komunë, kanë ftuar qytetarët që të dalin në rrugë që nga orët e mëngjesit, për t’i pamundësuar Vuçiçit të shkojë në fshatin Banjë.
“Duke ju kërkuar secilit mirëkuptim në një ditë vikendi për shqetësimin tuaj, na falni, por duhet t’ju ftojmë në protestë sepse po vjen pa kërkuar falje një President i një shteti që ka vrarë, masakruar dhunuar popullatën e pa fajshme”, thuhet në ftesën për protestë të këtyre shoqatave.
“Ta ndalojmë Vuçiqin që mos të shkelë në tokën e Drenicës”, thuhet në komunikatë.
Vuçiç: Shqiptarët po vuajnë sikur ne më herët
Pas lajmit për bllokimin e rrugëve drejë fshatit Banjë të Skenderajt nga ana e veteranëve të UÇK-së, Presidenti i Serbisë Aleksandar Vuçiç tha në Mitrovicë para se të shpërfill urdhërin e Haradinajt se gjërat duhet të adresohen me fjalë dhe jo armë.
“Unë jam i angazhuar fuqimisht në ruajtjen e paqes dhe të institucioneve dhe popullit të Kosovës,” tha Vuçiq duke shprehur bindjen se serbët në Kosovë e kanë kuptuar se si po lufton për ta.
“Mendoj se kjo bllokadë është e mjaftueshme, por kur ju kaloni ekskavatorët dhe kamionët, atëherë mund të kaloni edhe këtë të dytën,” tha Vuçiç duke shtuar se kjo tregon që ata vuajnë nga e njëjta sëmundje që vet serbët kanë vuajtur më herët, por shpreson se do të jenë në gjendje që me kohë të shërohen.
“Unë kurrë nuk kam qenë i hipnotizuar nga urrejtja ndaj dikujt, mendjemadh dhe arrogant. Mendojnë se në bazë te simboleve mund të na fyejnë, janë mashtruar keq, “ tha Vuçiç duke shprehur vendosmërinë për të ruajtur paqen dhe institucionet serbe, dhe popullin serb në Kosovë.
Pas disa minutash ai vendosi ta vizitoj Banjën në Drenicë, raporton televizioni publik RTS duke treguar eskortën e Presidentit serb Vuçiç e cila po largohej nga Mitrovica.
