“Haradinaj gënjeshtar dhe Kurti neomarksist”, Basha: Sulm rrugaçëror i Edi Ramës!

Fyerjet që Kryeministri Edi Rama i bëri kundër liderëve politik të Kosovës në fund të Samitit të tretë të Mini Shengenit që u zhvillua në Tiranë, ku kryeministrin në detyrë, Ramush Haradinaj e cilësoi si gënjeshtar dhekryeministrin e ardhshëm të Kosovës, Albin Kurtin, neomarksist, për Kryetarin e Partisë Demokratike, Lulzim Basha, janë sulm rrugaçëror i Edi Ramës dhe ai shpreh ndjesë në emër të çdo shqiptari për këtë akt të papranueshëm!

“Dënoj sulmin rrugaçëror të Edi Ramës kundër liderëve politikë të Kosovës dhe shpreh ndjesë në emër të çdo shqiptari për këtë akt të papranueshëm! Gjuha e urrejtjes ndaj institucioneve të Kosovës është akt i denjë vetëm për një peng të antishqiptarizmit si Edi Rama,” thekson Lulzim Basha në reagimin e tij përmes rrjetit social Twitter duke i kujtuar Kryeministrit Edi Rama se Shqipëria ka detyrimin të promovojë dhe respektojë pavarësinë e Kosovës.

Ndonëse nga artikulimi i Edi Ramës është e qartë se ai nuk do t’ia dij për Kosovën, Lulzim Basha i bënë të qartë se koha e vasalitetit të autokratit të korruptuar të Tiranës ndaj armiqve dhe kundërshtarëve të pavarësisë së Kosovës do të marrë fund shumë shpejt!

“Kosova është shtet i pavarur dhe Shqipëria ka detyrimin të promovojë dhe respektojë pavarësinë e Kosovës dhe institucionet e saj. Koha e vasalitetit të autokratit të korruptuar të Tiranës ndaj armiqve dhe kundërshtarëve të pavarësisë së Kosovës do të marrë fund shumë shpejt!”