Haradinaj: George H.W Bush, lider i cili përfaqësonte vlerat më të përsosura të popullit amerikan!

“Me respekt të madh për një lider, i cili përfaqësonte vlerat më të përsosura të popullit amerikan!” Kështu shprehet kryeministri i Kosovës, Ramush Haradinaj pasi nënshkruhet në Librin e Ngushëllimeve, në Ambasadën e Shteteve të Bashkuara në Prishtinë, me rastin e ndarjes nga jeta të Ish-Presidentit George H.W. Bush.

Duke ngushëlluar popullin amerikan, përmes rrjetit social Facebook, Ramush Haradinaj thekson:

“Njëkohësisht, ua përcjella ngushëllimet e mia Qeverisë së ShBA-së, popullit amerikan dhe familjes Bush. Presidenti Bush Senior, do ta ketë gjithmonë një vend nderi në kujtesën e popullit tonë, si dritë shprese për liri dhe demokraci për Kosovën.”