Haradinaj: Marrëveshja me Serbinë mund të firmoset në Washington
Kryeministri i Kosovës, Ramush Haradinaj duke folur sot për procesin e bisedimeve me Serbinë tha se nuk do të bisedohet për ndarje ndërsa shprehu kënaqësinë se ky proces tashmë është në duar të sigurta sepse i është heq nga dora Mogherinit.
“Nuk mund ti paragjykojë kështu proceset. Procesi tash është në duar të sigurta. I është heq nga dora Mogherinit. Tashmë një gjë të tillë e kanë në dorë kancelarja Angela Merkel, dhe presidenti i Francës, Emanuel Makron. Ka stabilitet, kjo është kryesorja.”
Nuk mund të parashikojë se si mund të ecin proceset, tha Haradinaj, por që nuk e përjashton edhe mundësinë që një marrëveshje përfundimtare me Serbin të nënshkruhet në Washington.
“Rusia është tërheq prej Ballkanit kohë më parë. Amerika nuk ka hequr dorë nga Ballkani. Nuk mundet askush me tërheq Amerikën nga proceset në Ballkan,” ishte i bindur Ramush Haradinaj.
Ndërkohë i pyetur për iftarin e ambasadores, Vlora Çitaku me Presidentin e SHBA, Donald Trump dhe mendimin e tij për ambasadoren, Haradinaj tha se marrëdhëniet Kosovë- SHBA nuk janë marrëdhënie individuale.
“Marrëdhëniet Kosovë- Amerikë nuk janë të individëve. Janë marrëdhënie mes dy vendeve. Temat e interesit nacional nuk janë paraqitur nga ambasadorët siç i ka paraqitur kryeministri. Ka pasur ndarje të brendshme për disa tema. Besoj që u ka shërby mirë të gjithëve se është mirë të konsultohemi të gjithë me secilin. Janë detyru me e hjek dialogun nga duart e znj. Miogherini dhe prej atyre që na kanë dërguar drejt ndarjes dhe kushdo që ka qenë prapa këtij projekti pastaj, vendimmarrja është kthyer në Prishtinë,” tha Kryeministri i Kosovës, Ramush Haradinaj.
