Hashim Thaçi vazhdon dhe tallet me postin e Presidentit, fton Albin Kurtin…

Kompetencat e kufizuara që ka Presidenti i Kosovës për të vepruar ishin temë e shumë debateve por këto ditë Hashim Thaçi po dëshmon se sa kompetenca të pakufizuara ka Presidenti për tu tallur edhe me një shtet të ri siç është Kosova.

Ndonëse është e qartë se ende nuk ka Marrëveshje koalicioni për qeverisje, Hashim Thaçi sot i ka dërguar ftesën e tretë Kryetarit të Lëvizjes Vetëvendosje, Albin Kurti, duke u shfaqur i shqetësuar që Kosova nuk ka institucione edhe tashmë kur të gjithë i kanë të qarta afatet kushtetuese.

“Duke mirëkuptuar pamundësinë e pjesëmarrjes suaj në dy takimet e së premtes, po ju shkruaj edhe një herë për të njejtën çështje.

Me qëllim të funksionalizimit sa më të shpejtë të institucioneve të Republikës së Kosovës, si President i Republikës së Kosovës, do t’i ndërmarrë të gjithë hapat e përcaktuar në Kushtetutë.

Andaj, me qëllim të konsultimit për të propozuar kandidatin për Kryeministër për formimin e Qeverisë së Republikës së Kosovës, ju ftoj sërish për takim konsultativ, me datën 31 dhjetor 2019 në orën 10:00, në kabinetin e Presidentit të Republikës së Kosovës,” thekson Hashim Thaçi në letrën e tij të tretë, tashmë e qartë, në përpjekjen e tij të panumërt për të shfaqur të paaftë liderin e Lëvizjes Vetëvendosje edhe kur ai është në pritje të arritjes së një Marrëveshje me LDK-në; Ftesë e cila thjeshtë mund të futet te kompetencat e pakufizuara që mund të tallet Presidenti edhe me shtetin në mungesë të një Këshilltari normal.

Kështu, ndryshe nuk ka se si të degdiset një President kur e ka mbushur kabinetin me çobanë!