Haziri heshti kur Isa akuzonte për veriun, sot: Vetëm Kryetari i komunës vendos për karantinë!

Kur komuna Mitrovicë Veri dhe Zveçani u vunë në karantinë kryetari i LDK, Isa Mustafa dhe e gjithë paria e tij akuzuan Albin Kurtin se e ka lënë veriun në duart e Serbisë, dhe se ishte qeveria serbe ajo që mori këtë vendim.

Sot, kur numri i të prekurve me koronavirus në Kosovë ka shkuar në 224, dhe pas konfirmimit të disa ratseve në komunën e Gjilanit u tha se lagjja ku jetonte i i nfektuari ishte karantinuar, kryetari i komunës e mohoi, Dhr jo vetëm kaq!

I kontaktuar nga Indeksonline, kryetari i komunës së Gjilanit, Lutfi Haziri tha se kjo nuk është e vërtetë dhe se Autoriteti më i lartë i Emergjencave është kryetari i komunës dhe askush tjetër nuk mund të vendosë për këtë.

“Askush tjetër pos Kryeshefi Ekzekutiv i Emergjencave Civile i cili është Kryetari i Komunës. Gjilani po shkon drejtë uljes së rasteve!”

Pra, shefi i tij Isa Mustafa, Agim Veliu dhe akuzuesit e tjerë të Albin Kurtit për karantinimin e komunave Mitrovicë Veri dhe Zveçan kanë gënjyer. Jo Albin Kurti por as qeveria e Serbisë, sipas Lutfi Hazirit nuk janë ata që marrin vendim për karantinën.

Jo se Lutfi Haziri ka të drejtë, por logjika e tij me atë të analfabetit funskional, Isa Mustafa, përplasen si në logjikë ashtu dhe shtetqeverisje. Duke ditur qëllimet proserbe të Isës ato nuk arsye të komentohen më, por logjika e Hazirit për pushtet nuk falet pasi që ai para se të bëhej kryetar i komunës ishte ministër i Pushtetit Lokal. Apo pak rëndësi kur vjen nga një parti pa zot shtëpie dhe me shpirt të shitur.

Ndryshe, në mbledhjen e fundit, qeveria autorizoi ministrin e Shëndetësisë që të marrë masat e reja për të parandaluar përhapjen e sëmundjes së COVID-19.

Kryeministri në detyrë i Kosovës, Albin Kurti, u shpreh se masat nuk do të jenë të njëjta për secilin komunë. Ai la të kuptohet se ato do të vendosen në konsultim edhe me kryetarët e komunave përkatëse.

Megjithatë, shefi i ekzekutivit siguroi se nuk do të ketë lehtësim të masave, përkundrazi, pritet shtimi i tyre, porse për këtë do të vendosë grupi punues në përbërje të të cilit janë ministrat e Shëndetësisë, Infrastrukturës e Ambientit, Punëve të Brendshme dhe Pushtetit Lokal.

“Ne i kemi formuar një grup punues në qeverinë tonë që përbëhet prej 4 ministrave dhe që do të përcaktojë në hollësi edhe masat edhe ndryshimin e tyre sa i përket lëvizjes së qytetarëve nëpër komuna të ndryshme, varësisht nga gjendja nëpër ato komuna. Komunat nuk e kanë situatën njësoj, rrjedhimisht ne nuk mund t’i trajtojmë në mënyrë identike. Këta katër ministra janë Arben Vitia, Lumir Abdixhiku, Emilia Rexhepi dhe Xhelal Sveçla. Pra, Pushteti Lokal, Shëndetësia, Infrastruktura e Ambienti dhe Punët e Brendshme. Këta katër ministra me në krye ministrin e Shëndetësisë, Vitia, do të kontaktojnë, komunikojnë e bashkëpunojnë me secilën komunë në mënyrë që masat t’ia përshtatim gjendjes së komunës. Por, ajo që dihet është që nuk do të ketë çlirim të masave, por shtim të tyre, do të ketë rigorozitet më të lartë”, deklaroi Kurti.

Ai paralajmëroi se do të vazhdojë vizitat e tij nëpër të gjitha komunat e Kosovës dhe se agjenda e tij përgatitet nga stafi dhe nuk bën vizita në bazë të përkatësisë politike të kryetarit të komunës.

Kurti tha se jemi të gjithë bashkë në këtë luftë dhe se opozita ndonjëherë kritikon sepse është opozitë.

“Gjithandej nëpër komunat e Kosovës diku kryetari është i një subjekti, diku është i një subjekti tjetër edhe unë nuk po vërej dallime në qasje, në mënyrat e tyre edhe në qëndrimet e sjelljet karshi qeverisë së Kosovës. Jemi plotësisht bashkë me këtë luftë të përbashkët kundër koronavirusit i cili siç dihet nuk i dallon njerëzit as sipas partisë, etnisë, as sipas komunës, rajonit apo religjionit. Vështirësia që ekziston në institucionet qendrore është po ashtu edhe pasojë e koronavir usit meqenëse ne nuk po mund të takohemi e diskutojmë siç do ta bënim këtë në kushtet tjera. Natyrisht që qeveria në detyrë dëshmohet me punët që kryen ndërkaq opozita e bën kritikën përveç tjerash edhe për shkak së është opozitë”, përfundoi Kurti.