Helenizimi i hapi sytë, Edi Rama në Derviçan: Jam tradhtar profesionist!

Kalimera, jasas! Kështu u shpreh Kryeministri Edi Rama sapo shkeli në Derviçan i emocionuar nga fjalët e Kryeministrit të Greqisë, Kyriakos Mitsotakis, në Himarë ku i falënderuar banorët që kishin ardhur për ta prit, për flakën e helenizmit dhe ortodoksisë që kishin mbajtur gjallë!

“Kalimera, jasas. Ju kisha premtuar që do e sillja të birin e te atit dhe ja ku është ketu. Është vertet prekese per mua edhe pse nuk jam pjese e minoritetit te jem ketu pas 30 vitesh, që i pari dhe i fundit kryeminister i Greqise ndaloi per te pershendetur vellezerit dhe motrat ne minoritet. Duhet të vinim të nesermen e datës 6, por moti ishte jashtëzakonisht i keq dhe u detyruam ta shtyme, por edhe më mira akoma. Se besoj nuk ka ditë më të bukur se sa një vigjilje krishtlindjesh.

Nuk e di si e keni realizuar që të jetë një diell kaq i bukur, shumë faleminderit. Kjo është e gjitha për kryeministrin. Ti dëshmojmë bukurinë e mirëseardhjes dhe për  ta celebruar këtë moment. Per ne minoriteti është një urë e pazëvendesueshme e lidhjes se pazgjidhshme te dy vendeve tona dhe dua ti përshendes të gjithë që i kanë shumë shume këtij komuniteti,”tha Edi Rama në Derviçan ku i thuri lavde dhe sportistit Piro Dhima.

“Përshëndetje Piro Dhimës. Ku je Spiro? S’kanë lënë gjë pa i thënë, por prapë siç thotë Niçja; Çfarë nuk të vret, të bën me të fortë. Unë si tradhtar profesionist të përshëndes!”

Ndërkohë homologu i tij grek, Kyriakos Mitsotakis, ndryshe nga Himara ku foli për helenizëm në tokën shqiptare në Derviçan ishte më normal, foli me këmbë në tokë për grekët që jetojnë këtu dhe integrimin e minoritetit grek dhe

“Ju falënderoj që mbajtët gjallë në ato vite të vështira flakën e helenizmit dhe ortodoksisë, sidomos ju, më të rriturit e të moshuarit e minoritetit grek. Greqia mbetet mbështetëse e përhershme e kërkesave tuaja të drejta. Ju, që zgjodhët të qëndroni në këto troje përbëni një urë miqësie e bashkëpunimi Greqi-Shqipëri.

Kam besimin se me vullnet pozitiv të qeverisë shqiptare e në bashkëpunim mund të zgjidhen. Unë ju garantoj personalisht se do të zgjidhen. Ashtu siç zgjidhëm çështjen e pensionit të minoritarëve të moshuar, këtë duhet të bëjmë, të japim zgjidhje e do e bëjmë. Çdo qeveri greke ka qene, është e do jetë pranë jush gjithmonë. Greqia jonë tashmë ka lënë pas dekadën e vështirë të krizës ekonomike, është një vend i fuqishëm me stabilitet, një anëtar me zë i BE,” tha kryeministri grek duke shtuar se ai ishte, është dhe do mbetet mbështetës i plotë i integrimit të Shqipërisë në BE, por i siguroi të ranishmiti se ajo ka detyrim të respektojë plotësisht të drejtat e tyre që janë të drejtat e vetëpërcaktimit, arsimimit të fëmijëve dhe nipërve të tyre në çdo nivel në gjuhën greke, si dhe çështja kritike e pronave të paluajtshme.”

Në Derviçan, aty ku kishte më shumë njerëz se sa në tubimet që Mitsotakis i bënë në Athinë, siç e pranoi vetë, Kryeministri i Greqisë premtoi zgjidhjen e të gjitha problemeve.

“Ju falënderoj nga zemra për mikpritjen. U mërzita ku u anulua vizita ime këtu në fillim të dhjetorit. Por premtova që do vija t’ju takoja para mbylljes së vitit. Moment emocionues për mua. Nuk mund të harroj faktin se para 30 vitesh këtu erdhi babi im, pak para se të shembej regjimi komunist në Shqipëri. Aso kohe babi im tha: minoriteti grek urë miqësie midis dy vendeve. E njëjta gjë vlen edhe tani. Me Ramën kemi bashkëpunim të ngushtë.

Ne mund të zgjidhim çështjet bashkë në çdo fushë. Do bëjmë të pamundurën që të zgjidhim të gjitha problemet që ju keni gjithmonë duke bashkëpunuar me njëri-tjetrin. Për të gjithë ata grekë që jetojnë këtu, ndihma jonë nga ana qeveritare do të jetë e madhe. Do bëjmë maksimumin që fëmijët grekë që jetojnë këtu të shkollohen në gjuhën greke sigurisht dhe shqipen. Ne do e mbështesim rrugën e Shqipërisë drejt BE-së,” tha Mitsotakis, fjalim pas të cilit Edi Rama premoti ndërtimit e një busti për nder të babait të tij Kostandinos Mitsotakis, kryeministër i Greqisë 1990-1993, teksa shtoi se edhe sheshi në Derviçan do marrë emrin e tij.

“Si mik mund të vijë sa të dojë, por po nuk ishe kryeministër bust nuk ka. Në përvjetorin e të atit ne shpresojmë ta kemi këtu. Kyriakos na jep fjalën që do vish ta inaugurojmë sheshin dhe vendosjen e bustit të të ndjerit dhe të paharruarit këtu në këtë zonë babait tuaj. Se unë do jem prapë,” tha Kryeministri Edi Rama ndërsa homologu i tij grek Mitsotakis ndonëse i djathtë, i drejtohej “shoku Edi” duke e pranuar një fakt tronditës për realitetin e politikës greke në Shqipëri:

“Duhet të jem i sinqertë këtu që as unë kur mbaj fjalime në Athinë nuk ka kaq shumë njerëz. Duhet të fitoj në Greqi që të vij këtu!”