Helsinki, Trump shikon orën, Putin si zakonisht joserioz, vjen vonë…
Sot në Helsinki pritet të takohen dy liderët më të fuiqshëm të botës, Donald Trump dhe Vladimir Putin. Takimi i tyre ishte planifikuar të filloj në orën 12:15, por u shty sepse avioni i Putini arriti me rreth një orë vonesë në Helsinki nga sa ishte parashikuar.
Avioni i Putinit aterroi rreth mesditës në aeroportin e Helsinkit. Sa po doli nga avioni, Putin vetëm përshëndeti me dorë kamerat dhe u nis drejtë makinës së tij të blinduar. Televizioni publik YLE thekson se në avion ishin vetëm anëtarët e delegacionit të Putinit.
Ndryshe, Putin njihet si burrështetas joserioz i cili zakonisht i lë bashkëbiseduesit të presin.
Presidenti i SHBA, Donald Trump ishte takuar në orët e paradites me presidentin e Finlandës, Sauli Niinisto në rezidencën presidenciale në Helsinki, ku do të zhvillohet edhe samiti Trump-Putin.
Televizioni publik YLE raporton se Trump ka lavdëruar Finlandën duke e quajtur vend të mrekullueshëm, njëkohësisht duke falenderuar presidentin Niinisto për ndihmëne dhënë lidhur me këtë samit dhe pritjen e bukur.
