Heroi i ditës/ Polici nga Kosova shpëton nga mbytja të riun në Lezhë
Polici nga Kosova, Anton Cena ka shpëtuar një djalë të ri sot në plazhin e Tales në Lezhë.
Cena përmes një postimi në Facebook ka shkruar se djalin e kishte parë duke u mbytyr në det. Ai menjëherë ka ndërhyrë dhe më pas ia ka nxjerrë edhe ujin nga stomaku.
“Duke lexu në plazhen e Tales dëgjova që dikush kërkonte ndihmë, hodha shikimin në det dhe pashë një të ri duke u mbytur, vrapova deri te uji dhe u futa në ujë, e tërhoqa buzë detit ja nxorra ujin nga stomaku dhe e barta në ulse, ja qetësova frymarrjen, kontrollova pulsin dhe e drejtova për në spitalin e Lezhes”, sqaron Cena.
Ai ka thënë se shpëtimtari duhet të reagoj me gjakftohtësi, profesionalizëm dhe me shpejtësi që të shpetojë jetë.
“Për të gjithë ata që nuk e zotërojnë mirë notin dhe ata që janë notues të mirë kurrë mos hyni në ujë pa përcjellës edhe mos notoni larg plazhit! Kampioni”, ka përfunduar ai.
Për më shumë, shikoni fotografitë:
