Heroina në Has/ Arrestohet një shtetas turk, “ustai” i heroinës…

Pas zbulimit të laboratorit të heroinës në Has arrestohet edhe një shtetas turk.

Mësohet se ai në këtë laborator kishte rolin e kimistit në përpunimin e heroinës.

Ndryshe, pas zbulimit të këtij laboratori të heroinës që ishte ngritur në një shtëpi të fshatit Brenogë të Hasit, tashmë kemi 6 persona të arrestuar.

Policia dhe prokuroria shqiptare  po vijojnë hetimet për kapjen e anëtarëve të tjerë të këtij rrjeti të heroinës.

Ndryshe, në aksionin e zbulimit të laboratorit të heroinës në Has ku rolin kryesor e kishte DEA amerikane, u gjetë të paktën 160 kallëp droge, të dyshuar heroinë, e paketuar dhe e gatshme për transport. Fjala ështër për të paktën 150 kilogramë.

Gjithashtu janë gjetur dhe lëndë e material të tjera që shërbenin për përpunimin e heroinës, mes tyre dhe boçe opiumi.

Informacionet zyrtare janë tejet të rezervuara, ndërsa theksohet se po punohet për kapjen e drejtuesve të rrjetit. E paqartë mbetete nga vinte lënda e parë, itinerari dhe destinacioni i heroinës që prodhohej në Has.