Heroina në Has/ Ja kush janë 5 të arrestuarit. Reagojnë familjarët…

Një ditë pas aksionit të zhvilluar në Has ku DEA amerikane zbuloi një laborator të madh heroine janë zbardhur detjale tjera në lidhje me hetimin dhe aksionin.

Burime nga policia kanë bërë të ditur se në pranga janë vënë 5 persona.

Dy të fundit që janë identifikuar janë një grua e një burrë.

Bëhet fjalë për Anila Shutin, bashkëshorten e Xhavit Shutit dhe Vehbi Barushin.

Ky i fundit është punonjës i Bashkisë së Krujës.

Ende nuk dihet roli i Barushit

Reagon familja Shuti

Pas zbulimit të identiteteve të 3 prej të arrestuarve nga operacioni në Has, ku u zbulua një laborator i përpunimit të drogave të rënda, ka folur daja i njërit prej tyre.

“Policia arrestoi Xhavitin së bashku me bashkëshorten Anilën duke lënë vetëm dy fëmijët e mitur. Policia mori edhe djalin 15 vjeçar. Që prej arrestimit nuk kemi pasur asnjë kontakt me ta, fëmijët janë terrorizuar. Nëna e Xhevitit është e paralizuar dhe ka nevojë për shërbim,” u shprehën familjarët për Balkanëeb.

Të arrestuarit janë Flamur Bisho Çela, Xhavit dhe Mustaf Shuti.

I arrestuari Flamur Bisho Çela punon prej 26 vitesh si shofer tek  zjarrfikëset në Shkodër.

Ndryshe, nga operacioni janë zbuluar më shumë se 100 kg drogë e dyshuar heroinë, e cila është sekuestruar nga policia.

Aksioni është rezultat i një hetimi disa mujor dhe aktualisht po vijojnë kontrollet për arrestimin e personave të tjerë të përfshirë në këtë aktivitet kriminal.