Hetimi Ish-Kryeministrit, avokati i Berishës kallëzon në SPAK gjyqtaren Irena Gjoka

Ish-Kryeministrii Sali Berisha ka kallëzuar në SPAK gjyqtaren Irena Gjoka, për shpërdorim detyre.

Lajmin e ka bërë të ditur avokati i Sali Berishës, Genc Gjokutaj, pasi depozitoi kallëzimin për vendimin e gjyqtares Irena Gjoka “detyrim paraqitje” dhe bllokim të pasaportës në kuadër të hetimeve të SPAK për privatizimin e kompleksit Partizani në Tiranëdeputetit, pa i marrë leje Parlamentit.

“Nga ana e Berishës sot është bërë kallëzim në SPAK ndaj gjyqtares së çështjes, për shpërdorim detyre, sepse vendimi është në shkelje të Kushtetutës. Kemi kërkuar përjashtimin e Irena Gjokës. Gjykimi është ndërprerë për të shqyrtuar këtë kërkesë. Po presim për vendimin e shqyrtimit për përjashtimin e saj,” tha avokati Gjokutaj duke përfunduar:

“Ne nuk vijmë këtu që të na jepen dy tre orë dhe të lexohen 2 mijë faqe, ne do presim vendimin e gjykatës dhe procesin me njohjen.”

Ndryshe, Irena Gjoka është gjyqtarja e çështjes ndaj Sali Berishës, e cil ka firmosur masën e sigurisë “detyrim paraqitje”  dhe i bllokoi pasaportën e Berishës me propozim të SPAK, pa iu drejtuar fare Parlamentit për leje, për deputetin Sali Berisha si bartës i mandatit.

Seanca gjyqësore e GJKKO ku Ish-Kryeministrit Sali Berisha pritet të merret në pyetje u vendos të shtyhet për nesër në orën 14:30.