Hetimi pasuror i një zyrtari të drejtësisë së re, ish-deputeti Dashamir Tahiri thirret në SPAK

Ish-Deputeti i Partisë Drejtësi Integrim dhe Unitet, PDIU, Dashamir Tahiri, sot u paraqit në Prokurorinë e Posaçme Kundër Korrupsionit dhe Krimit të Organizuar, SPAK, për siç tha, deklarimin si person në dijeni lidhur me hetimin pasuror të një zyrtari të drejtësisë të re.

“Dhashë deklarime si person në dijeni, jo për ndonjë çështje që lidhet me mua, por për një hetim pasuror ndaj dikujt, në kuadër të drejtësisë së re,” tha Dashamir Tahiri duke refuzuar të saktësohej nëse bëhet fjalë për prokuror ose gjykatës ndërsa përfundoi:

“Bëhet fjalë për një zyrtar të lartë që ka hedhur një firmë te një nga kompanitë e mia, ku ka blerë diçka. Kjo i përket periudhës para vitit 2005.”