Hetimi për inceneratorët, Berisha: Maskaradë, të zhytur si Edvin Droga edhe Lulzim Brava!

“Kam gjetur mekanizmin se si do t’i fitojmë zgjedhjet e 6 marsit. Shoh një klimë optimizmi dhe besimi në fitore. Do fitojmë!” Me këtë mesazh lideri historik i Partisë Demokratike, Sali Berisha, e nisi rikthimin në Parlamentin e Shqipërisë ku hodhi akuza ndaj kryeministrit Edi Rama dhe Lulzim Bashës për maskaradën që bëjnë me inceneratorët.

I akuzoi për pastrim parash duke shtuar se si Rama ashtu dhe Basha duhet të hetohen.

“Nëse ne duhet të bëhemi seriozë në luftën këtij krimi të shëmtuar që ushqen të gjitha krimet e tjera, përfshirë dhe terrorizmin, duhet t’i vendosim në hetim të plotë si kreun e meduzës, ashtu dhe pengun e tij, Lul Brava, të cilit ja mbylli çështjen në Apel dhe nuk e dërgoi në Gjykatë të Lartë me urdhër të veçantë,” tha Berisha i cili kishte zgjedhur të flas nga vendi ku i kishin përcaktuar dyshja Rama-Basha por Kryetarja e Parlamentit, Lindita Nikolla i ndërpreu fjalën duke iu referuar Rregullores, por kjo nuk e pengoi Ish-Presidentin të vazhdoi me akuzat edhe pa mikrofonin e bashkëqeverisjes:

“Mendoj se në trajtimin e këtij problemi sot Parlamenti duhet të ndalet në dy krerët e meduzës, të larjes së parave, kreun e meduzës, Edvin Kristaq Rama, i akuzuar zyrtarisht për bashkëpunimin dhe sigurinë e Evropës, për larjen e 200 milionë eurove në zonat ofshorë, të cilën s’e përgënjeshtroi kurrë, por jo më pak Lul Brava, i cili u hetua nga Prokuroria e Tiranës për larje parash dhe ju mbyll hetimi. Nëse ne duhet të bëhemi seriozë në luftën këtij krimi të shëmtuar që ushqen të gjitha krimet e tjera, përfshirë dhe terrorizmin, duhet t’i vendosim në hetim të plotë si kreun e meduzës, ashtu dhe pengun e tij, Lul Brava, të cilit ja mbylli çështjen në Apel dhe nuk e dërgoi në Gjykatë të Lartë me urdhër të veçantë.

Larja e parave të pista është mekanizmi kryesor i investimeve të parave të vjedhura nga qeveritarë me bashkëpunëtorët e tyre. Në mënyrë absolute, shtëpitë e atyre u shkatërruan në kundërshtim me Kushtetutën dhe ligjet e vendit, por kleptokracia në pushtet nuk ka ligje, nuk ka moral, nuk shpirt, nuk ka zemër, ka vetëm para dhe vjedhje parash. Gjykoj që këto ligje të ridimensionohen. Duhet një komision hetimor i domosdoshëm për të hetuar kreun e meduzës dhe Lul Bravën për këtë vepër penale. Ka dhe të tjerë që po hetojnë, por më e mira është ta bëjë Parlamenti këtë,” tha Berisha dhe ndërsa filloi debati për inceneratorët “në emër të procedurës”, ai doli nëfoltore për të akuzuar bashkëqeverisje për hetimin maskaradë që i bënë inceneratorëve, skandal në të cilin tha janë janë të përfshirë Edi Rama dhe Lulzim Basha.

“E dëgjuat maskaradën me komisionin hetimor për një nga vjedhjet më të mëdha? Pas 3 muajsh, zero hetim, sepse janë të zhytur. Është i zhytur si Edvin Droga, edhe Lulzim Brava. Në këtë krah janë bërë 289 denoncime. Të gjitha mbeten në heshtje sepse Lulzim Brava, i implikuar në këtë aferë, lejoi që të publikohen njëherë apo dy here. Nuk ka aferë më flagrante se kjo.

A e dini që e kanë mbajtur në Lushnje të fshehur kaçak Zoton deri para dy ditësh bashkë me Gugallën dhe i kërcënonte? Kjo aferë duhet të hetohet,” tha Sali Berisha duke përfunduar.

Brava është me dy kahë. Çfarë janë udhëtimet e tij me Zoton? Pse nuk lejonte denoncimet nga aktivistët e PD-së? Të gjitha në ujdi me kreun e Meduzës. Komisioni ishte një tallje, një përqeshje për shqiptarët. Tre muaj, asnjë hetim. Në hetim do dilte se Teri është vetëm hajduti i dobishëm.”