Hetimi, shoku i Edi Ramës: Isha zyrtarisht në Shqipëri, u habita thashë privatisht!

Komiteti për përcaktimin e konfliktit të interesit do të kërkoj  sqarime shtesë nga Zyra e Presidentit, qeverisë dhe disa ministrive lidhur me udhëtimin e Presidentit të Kroacisë, Zoran Milanoviç në Shqipëri.

“Në mbledhjen e sotme Komiteti ka vendosur që për çështjen e presidentit Zoran Milanoviç, e cila është hapur lidhur me udhëtimin në Shqipëri, të kërkoj sqarime shtesë nga Zyra e Presidentit, Qeveria, Ministria e Punëve të Jashtme, Ministria e Mbrojtjes dhe Ministria e Brendshme,” janë shprehur nga Komiteti për TV N1.

Kujtojmë se Presidenti i Kroacisë, Zoran Milanoviç vizitoi Shqipërinë më 12 dhe 13 Gusht. Me këtë rast nga Zyra e Presidenti është thënë se Milanoviç ka udhëtuar privatisht në vizitë te Kryeministri Edi Rama dhe me ftesë të këtij të fundit. Para tre ditësh nga Zyra e Presidentit u tha se presidenti ka udhëtuar zyrtarisht.

“Unë kam udhëtuar zyrtarisht, por e kama paralajmëruar gabimisht. Diçka që është zyrtare unë e kam deklaruar si private, por asgjë nuk kam fshehur,” u arsyetua sot shoku i Edi Ramës, tashmë nuk dihet nëse është ose jo dhe Këshilltar i Kryeministrit të Shqipërisë por gënjeshtar PO, Zoran Milanoviç.

Kryetarja e Komiteti për përcaktimin e konfliktit të interesit, Natasha Novakoviç, u shpreh:

“Kam dy informacione kontradiktore; fillimisht paralajmërimin e presidentit se do të udhëtoj privatisht, dhe më pas deklaroi se bëhej fjalë për udhëtim zyrtar,” tha Novakoviç duke bërë të dituru se deri më sot vetëm Zyra e Kryeministrit Andrej Plenkoviç ka dhënë sqarime.

Ndryshe, deri sa në Kroaci po hetohet rasti mbi udhëtimin e Presidentit Zoran Milanoviç, ky njeri që përmes vëllait të tij plaçkitë paratë e taksapaguesve shqiptarë duke blerë PPP, vetëm nuk është dekoruar.

Ku i dihet, nëse Edi Rama inicon sërish shkarkimin e Ilir Metës, Presidenti i Kroacisë, Zoran Milanoviç edhe mund të dekorohet.