Hidhen dy granata dore në Komisariatin e Policisë në Zveçan

Komisariati i Policisë në Zveçan, është sulmuar me dy granata dore. Lajmin e ka bërë të ditur Policia duke raportuar dëme materiale por jo dhe të lënduar në këtë komisariat në veri të Kosovës.

“Rreth orës 23:55, persona të panjohur kanë hedhur dy granata dore në oborrin e Stacionit Policor në Zveçan. Si pasojë e shpërthimit, janë shkaktuar dëme materiale, mirëpo nuk është raportuar për të lënduar,” thekson Policia e Kosovës përmes një njoftimi në rrjetin social Facebook duke dënon ashpër këto veprime të rrezikshme ndërsa përfundon me një apel për qytetarët:

“Të bashkëpunojnë me autoritetet për të ndihmuar në identifikimin e autorëve të këtij sulmi. Çdo informacion që mund të ndihmojë hetimet mund të raportohet në numrat e Policisë apo përmes linjave të besueshme të raportimit.”