Hidhet mbi ariun për të mbrojtur gruan nga sulmi

Një burrë në veriun e largët të Kanadasë u hodh mbi një ari polar për të mbrojtur gruan e tij nga sulmi. Burri i paidentifikuar pësoi lëndime të rënda, por pritet të shërohet, raporton Komisariati i Policisë në Nishnawbe Aski.

Çifti u largua nga shtëpia e tyre rreth orës 05:00 të martës (11:00 GMT) për të gjetur qentë e tyre, kur një ari i cili ishte në rrugën e shtëpisë së tyre, goditi gruan.

Incidenti ndodhi në Fort Severn First Nation, një komunitet i vogël me rreth 400 njerëz në veriun e largët të Ontarios.

Pas sulmit, ariu tërhoq në pyll

“Gruaja ra në tokë ndërsa burri i saj u hodh mbi kafshën për të parandaluar sulmin. Më pas ariu sulmoi burrin, duke i shkaktuar lëndime të rënda, por jo të rrezikshme për jetën në krah dhe këmbë,” tha policia përmes një deklarate

Një fqinj mbërriti me armë dhe qëlloi disa herë ariun. Ai u tërhoq në pyllin që ishte pranë ku dhe vdiq nga plagët e marra.

Burri u transportua në klinikën lokale, ku iu trajtuan plagët.

Policia e Nishnawbe Aski tha se vazhdoi të patrullonte zonën për t’u siguruar që asnjë ari tjetër nuk po bredh në komunitet.

“Mos bëni sikur keni vdekur, ky është një mit”

Alysa McCall, një shkencëtare në Polar Bear International, i tha Korporatës Kanadeze të Transmetimeve, CBC, tha se arinjtë polarë rrallë sulmojnë njerëzit, raporton BBC.

Kur ndodh një sulm, ariu është shpesh i uritur, i ri dhe i sëmurë, tha ajo.

Arinjtë, sipas saj, qëndrojnë larg vendbanimeve me njerëz, dhe preferojnë të kalojnë kohën e tyre në det duke gjuajtur foka në akull.

Por ndryshimi i klimës ka çuar në ndryshimin e temperaturës, në ndarjen e akullit dhe në disa raste kanë shtyrë arinjtë të shkojnë drejt tokës për të kërkuar ushqim, tha skencëtarja Alysa McCall duke këshilluar:

“Nëse sulmoheni nga një ari polar, në asnjë mënyrë mos bëni sikur keni vdekur – ky është një mit. Luftoni me të gjitha mjetet që keni në dispozicion.”