Hidhet shorti në Kuvend, Zgjidhen 8 anëtarë të KED

Në Kuvend sot u hodh shorti për zgjedhjen e 9 anëtarëve në Këshillin e Emërimevenë Drejtësi, KED, 8 prej të cilëve u zgjodhën sot ndërkohë që mbeti një vend vakant ngaGjykata e Apelit, sepse vetëm për një vend kishte kandidat.

Shorti u hodh vetem pak ditë pasi presidenti Ilir Meta refuzoi hedhjen e shortit për shkak të vakumit ligjor, kjo ishte dhe arsyeja pse reagoi deputeti i PD, Oerd Bylykbashi duke e quajtur procedurën në kundërshtim me ligjin, pasi mungon baza ligjore.

“Presidenti thotë se ka vakum ligjor dhe dispozitat tranzitore kane mbyllur efektin e tyre. Kandidatët filtrohen nga 3 organe Kushtetuese, Gjykata Kushtetuese, KLGJ e KLP, të cilat nuk janë ngritur ende.” tha Bylykbashi, duke shtuar me tej se po duket qartë që qëllimi është kapja e sistemit të drejtësisë nga mazhoranca.

Me këtë rast ai bëri thirrje për maxhorancën që të tërhiqet nga ky short dhe të plotësojë vakumin ligjor për funksionimin e KLGJ e KLP.

Në përgjigje të tij kreu i Kuvendit, Gramoz Ruçi theksoi se “Letrën e presidentit për shortin e kam konsultuar me ekspertet ligjore të Kuvendit, EURALIUS, OPDAT. Sot është rendi që të hidhet shorti. Për shortin e KED, Gjykata Kushtetuese ka sjellë dy kandidatura”.

Sipas tij, “për këtë nuk mund të hidhen shorti pasi janë vetëm dy kandidate për dy poste dhe dy kandidaturat vlerësohen automatikisht të zgjedhur”.

Fituesit për KED:

Gjykata Kushtetuese

Vitore Tusha

Bashkim Dedja
anëtar zëvendësues nuk ka

Gjykata e Lartë

Ardian Dvorani
anëtar zëvendësues Medi Bici

Prokuroria e Përgjithshme

Arta Marku
anëtar zëvendësues nuk ka

Prokuroritë e Apelit

Fatjona Memecaj
anëtar zëvendësues nuk ka

Gjykata e Apelit:

Fatri Islamaj

Margarita Mahuli
anëtar zëvendësues Gurali Braimllari

Gjyqtar të Gjykatave Administrative Eriol Roshi
anëtar zëvendësues Klodiana Veizi Mema