Hija e Gruevskit/ Qokë apo frikë, Zoran Zaev: Në kohën kur unë isha në opozitë…
Leksioni që u mundua ti jap kryeministri i Maqedonisë, Zoran Zaev, opozitës shqiptare në Tiranë, duke i bërë qokë homologut të tij komunist Edi Rama në Shqipëri, doli e pështirë. Apo ndoshta Zoran Zaev kishte frikë!
Duke u munduar të jap paralele me rastin shqiptar, në mes tij dhe Edi Ramës u shfaq një hije, nuk dihej nëse ishte e Nikolla Gruevski por ajo po e përndiqte ndërsa u ndërthur me dy kryeministrat. Kjo u vërejt edhe gjatë fjalës së tij kur nuk e çoi fjalinë në fund, sepse tha çfarë bëri ai si opozitë por jo edhe çfarë bëri kryeministri i kohës.
“Ne ishim opozitë para 21 muajsh, e tani jam kryeministër, nuk është shumë larg për tu kujtuar se ca ndodh, e të bëjmë paralele me vendin tuaj. Jemi miq të gjithë shqiptarëve, por duhet të theksoj se në kohën kur unë isha në opozitë raportet e partnerëve, BE, flisnin për regjim hibrid në Maqedoninë e Veriut, e drejta e proceseve demokratike ishte e mundur njësoj si këtu, por kur flisja me Hahn si shef i opozitës, flisja me zyrtarët e BE-së, lusja për vendin tim t’u jepej datë e bisedimeve se ishte qëllim strategjik i vendit pa dallim për konfrontimet e brendshme si shtet,” tha Zoran Zaev duke folur me gojën e Edi Ramës se “është opozita ajo që i pengon integrimet sepse flet poshtë e lartë në gjuhë të huaj, keq për Shqipërinë”.
Zoran Zaev tha se para 21 muajve ishte në opozitë, ndërkombëtarët flisnin për regjim hibrid dhe aty ndaloi, nuk përmendi vjedhjen e votave dhe përgjimet, që dy pushtetet, Gruevski-Rama, përveç se hibride i bëjnë edhe hajdute votash.
Dhe vazhdoj:
“E kuptoj opozitën kudo qoftë, por duhet të kemi kujdes ndaj shtetit, pa marrë parasysh se jemi në pushtet apo opozitë, si mik i Shqipërisë, dëshiroj gjithë të mirat për këtë vend e popull miqësor, demonstrata janë vegël e demokracisë, por duhet të kemi kujdes për të ardhmen, Shqipëria pret vite të tëra të hapen kapitujt për këtë proces,” tha kryetari i Partisë Socialdemokrate të Maqedonisë, Zoran Zaev i cili tashmë e ka të qartë, dhe për këtë arsye ishte i kujdesshëm, se Nikolla Gruevski i hapi krahun dhe i dorëzoi pushtetin, ndryshe me Edi Ramën kryeministër, sot Zoran Zaev do të vazhdonte të qëndronte në opozitë, përkatësisht në protesta para godinës së qeverisë.
