Hill: Nuk kam thënë se Serbia duhet ti vendos sanksione Rusisë!

Herët ose vonë Serbia do të futet në BE dhe do ti duhet të harmonizoj politikën me Bashkimin Evropian, dhe nëse duhet ta gëlltitë tabletën e hidhur, më mirë është ta bëjë menjëherë. Kështu u shpreh Ambasadsori i SHBA në Beograd, Christopher Hill, duke sqaruar mediat serbe pasi u pyet se çfarë ka menduar kur është shprehur se Serbia duhet ti vendos sanksione Rusisë.

“Unë kurrë nuk kam përdor fjalën ‘duhet’. Ajo që unë propozoj, meqë Serbia është në rrugën evropiane dhe atje do të arrijë herët ose vonë, se duhet të harmonizoj politikën me Bashkimin Evropian, dhe është e domosdoshme që nëse duhet ta gëlltitë ndonjë tabletë të hidhur, që këtë ta bëjë menjëherë,” tha Ambasadori amerikan në Serbi me rastin e vizitës së Institutit për Mbrojtje Shëndetësore të Nënës dhe Fëmijës në Serbi “Dr.Vukan Çupiç”.

Në fund, Ambasadsori i SHBA në Beograd, Christopher Hill, tha se të gjitha shtetet në Evropë e kanë kuptuar se nuk mund të lejohet Rusia të bëjë gjëra të tilla, çfarë po shohim se po i bënë fqinjit të saj, dhe, edhe Serbia si shtet duhet ti bashkohet këtyre vendeve që e kanë kuptuar këtë gjë.