Hinka e propagandës së Edi Ramës për të shpëtuar “Ballukun” sot mbyllet në Këshillin e Mandateve
Nga momenti që Zv/Kryeministrja dhe Ministrja e Transportit dhe Energjisë, Belinda Balluku, u shpall e pandehur nga SPAK, dhe deri më sot kur pritet që në orën e 10:30, Këshilli i Rregullores, Mandateve dhe Imuniteve të vendos nëse do të jap apo jo lejen për arrestimin e Ballukut, shqiptarët nuk dëgjuan nga mediat kombëtare që janë nën kontrollin e Edi Ramës se cilat janë pasojat e vjedhjeve që ka menaxhuar Balluku dhe dëshmojnë akuzat e SPAK që e shpallën të pandehur, por, janë komentuar veprimet e opozitës dhe Sali Berishës në parlament dhe jashtë tij, që sot do të kulmojnë në Komisionin e Etikës me përjashtimin e deputetëve të PD deri në 60 ditë.
Gjithësesi, pavarësisht se sa dhe si do të dënohen deputetët e opozitës nga Komisioni i Etikës, pse GJKKO sipas Gjykatës Kushtetuese nuk ka të drejtën të pezulloj nga puna një hajdut nën petkun e Ministrit ose Kryetarit të Bashkisë sepse është zgjedhur me votën e popullit, dhe këtë të drejtë që nuk e ka Gjykata e Posaçme e ka Edi Rama me Komisionin e tij të Etikës vetëm sepse pezullon deputetët e opozitës të zgjedhur poashtu me votën e popullit dhe media heshtë, në orën 10:30 kur hinka e propagandës do të mbyllet, shqiptarët do ta kuptojnë pse Kryeministri Edi Rama po e mbron Belinda Ballukun, dhe, pse Edi Rama po e mbron krimin!
Në Këshillin për Rregulloren, Mandatet dhe Imunitetin sot prokurorët e çështjes “Balluku” do të arsyetojnë kërkesën e tyre për heqjen e imunitetit dhe autorizimin e SPAK për arrestimin e Zv/Kryeministres, ministres e deputetes, Belinda Balluku, por Edi Rama tashmë është i qartë se si funksionon ngrehina ligjore që krijoj vetë dhe sa është në gjendje ajo që, brenda dy javëve që parashikon ligjin për Këshillin e Mandateve që të hartojë një raport për ta dërguar në seancë plenare për të rekomanduar rrëzimin ose dhënien e autorizimit për caktimin e masës së sigurisë së arrestit në burg apo shtëpi apo kontrollit personal dhe të banesës, të krijoj edhe një opinion publik.
Deri në seancë plenare të Parlamentit ku vendoset për dhënien apo jo të autorizimit, Edi Rama në grahmat e tij të fundit mund të shpresoj edhe tek carlot e hoxhallarët që drejtojnë mediat, por, atij nuk i ka mbetur asnjë zgjidhje ligjore për ta shpëtuar të pandehurën Belinda Balluku, madje as edhe një fjalë përveç asaj kriminale, që e riprodhoi vet dhe tani mund të ngushëllohet vetëm me të: T’tala Sandrit!
