Hipokritët/ Liderët e BE kritikojnë mossuksesin e Bashkimit Evropian me Shqipërinë dhe Maqedoninë e Veriut

Liderët e Bashkimit Evropian, hipokritë ashtu si vetë BE, kritikuan vendimin e bllokut për t’iu mos ofruar datë Shqipërisë dhe Maqedonisë së Veriut për hapjen e negociatave të anëtarësimit në BE; Ndonëse kishte dhe eurodeputetë normal.

“Për mendimin tim, ky ka qenë gabim”, tha presidenti i Këshillit Evropian, Donald Tusk, në një seancë të Parlamentit Evropian sot në Strasburg.

“Tani vetëm mund të shpresoj se udhëheqësit do të nxjerrin përfundimet e duhura kur të diskutojnë procesin e pranimit, para samitit në Zagreb, që do të mbahet në maj të vitit 2020”, tha Tusk.

Presidenti i Komisionit Evropian, Jean Claude Juncker, tha sot se Maqedonia e Veriut dhe Shqipëria kanë pasur të drejtë t’i nisin negociatat me BE-në dhe se kanë bërë përpjekje të mëdha në këtë drejtim.

“Është gabim i rëndë edhe për faktin se krjon përshtypjen se ju bëni premtime, nuk i realizoni ato dhe askush në botë nuk do të na respektojë”, tha Juncker.

Por në Parlamentin Europian jo të gjithë janë hipokritë.

“Franca bllokoi gjithçka sa i përket Maqedonisë së Veriut. Unë jo çdoherë pajtohem me presidentin Macron por këtë radhë duhet të them, Francë të falemnderit,” tha Derk Jek Eppink nga Grupi evropian konservator – reformist.

Liderët e vendeve të Bashkimit Europian nuk arritën të marrin një vendim pozitiv për hapjen e bisedimeve të pranimit me Maqedoninë e Veriut dhe Shqipërinë në një samit që u zhvillua javën e kaluar. Presidenti i Francës, Emmanuel Macron, raporton RFE e ka bllokuar vendimin, duke kërkuar fillimisht reformim të BE-së.

Pas mungesës së vendimit pozitiv nga BE, Maqedonia e Veriut shpalli zgjedhje të parakohshme parlamentare, të cilat do të mbahen në prill të vitit të ardhshëm.