Histeria kolektive po përsëritet!
nga Agim Popoci
Në 40 vjetorin e vdekjes së diktatorit Enver Hoxha, me dishepullin e tij Edi Rama shohim shqiptarët ndërsa dëgjojnë vendimet e tij se si bien në një histeri kolektive të ngjashme me atë 45 vjeçare nën diktaturën komuniste, me britma, me të qeshura, me dridhma, me lot…
“Historia ka tendencë të përsëritet: herën e parë si tragjedi, herën e dytë si farsë,” thotë Karl Marx, por ndër shqiptarë siç duket kjo po ndodhë me histerinë e tyre kolektive, sepse për historinë më nuk i lë llumi komunist Edi Rama as të mendojnë.
Vetëm fundjavën e fundit, u konfirmua se në çfarë gjendje shpirtërore të sëmurë është populli shqiptarë nën diktaturën e Edi Ramës, kur e pret me britma publikimin e një videoje ku shihet një kamarier 18 vjeçar në Vlorë duke u rrahur nga një oficer policie i shoqëruar me shokun tij kriminel, qesh kur qindra policë i rrah policia në Theth dhe u shemb lokalet ku kanë punuar, vazhdon me dridhma kur policët e Edit i shembin për toke tendat e ngritura me leje për restorantet e tyre dhe dyqanet e fruta perimeve në Tiranë dhe jo vetëm, dhe derdhin lot pse nuk kanë kryer ndonjë krim madhor e sot do të ishin të pasur, kur mësojnë se të dënuarit me burgim të përjetshëm, sipas Kodit të ri të Edi Ramës, do të lirohen!
Këtë gjendje shpirtërore e mendore të shqiptarëve sot, mjekësia e përcakton si sëmundje nervore, histeri, ndërsa bota perëndimore që i pa shqiptarët në fillim të viteve ’90-të se sa shumë kishin vuajtur në diktaturën komuniste, dhe, gjithashtu i pa pas revolucionit komunist të vitit 1997 se sa shumë iu gëzuan kthimit të kësaj diktature, e dhanë alarmin me kohë!
Por, kur bota e dha këtë alarm, në bankat e qeverisë shqiptare ishte ulur një pedagog i ri për të promovuar kulturën moderne shqiptare! Si?! Nuk ishte ishte e qartë, pasi kishim të bëjmë me autorin e qindra shkrimeve raciste jo vetëm kundër Malokut Sali, por, një gjysme të popullit shqiptar!
Britmat nuk është se shqetësuan njeri në Shqipëri, të qeshurat erdhën me akuzat se kishim të bëjmë me një të çmendur, por, ky njeri e kishte kuptuar shumë mirë Marxin e aq më mirë edhe mjekësinë, dhe me urrejtjen ndaj malokëve u bë Kryetar i Bashkisë Tiranë, duke i rënë mu në kokë Malokut Besnik dhe popullit që nuk bëzanë; Dhe, që është shumë pranë histerisë kolektive të radhës!
Përplasjet brenda llojit të llumit komunist penguan Edi Ramën që të filloj me shkatërrimin e shoqërisë shqiptare, sipas mënyrës së tij, por, kjo i ndërpreu për momentin edhe planet e tij me manipulimin e histerisë kolektive!
Kjo i mundësoi Sali Berishës të kthehet në pushtet!
Por, ky rikthim nuk e bindi Edi Ramën ti kthehet botës normale dhe të filloj me projekte që do të çojnë përpara popullin shqiptar, dhe, ndërsa Sali Berisha po realizonte projektet më të mëdha kombëtare në historinë shqiptare, si anëtarësimi në NATO, liberalizimi i vizave dhe ndërtimi i Rrugës së Kombit, Rama i bënte thirrje popullit për luftë kundër kësaj qeverie po e çonte vendin drejt Perëndimit, dhe shkatërrimin e gjithçkaje që ishte ndërtuar!
Revolucioni komunist i vitit 2011 me skenar të ngjashëm të ngjashëm me atë të vitit 1997, i dha mundësi Edi Ramës që vetëm me publikimin e një video me të korruptuarin Ilir Meta të ngritë popullin kundër qeverisë së Malokut Sali, ti fus flakën Tiranës dhe Kryeministrisë me premtimin për arrestimin e të korruptuarve, dhe vetëm disa muaj më pas, të krijoj qeverinë me të korruptuarin nga videoja, Liken!
Por, loja me video dhe manipulimi me histerinë kolektive të shqiptarëve nuk mbaroi me uljen e Edi Ramës në fronin e Kryeministrit!
Sapo u përballë me një vendim të rëndësishëm të aleatit strategjikë, Amerikës, dhe përpjekjeve për shuarjen e konfliktit në Siri, Edi Rama rindezi histerinë kolektive duke krijuar idenë se në këtë vend ka edhe reagim qytetar, dhe, ai i thotë “JO” armëve kimike që ishin menduar të shkatërrohen në tokën shqiptare!
Popullit iu kthyen të qeshurat duke menduar se ishte ai që i tha “JO” armëve kimike dhe se nuk është ai që shitet për 100 milionë euro që i ofruan, duke mos dashur të shohë nga të qeshurat vesh më vesh se Edi Rama i nxori nxënësit në protesta dhe nuk ka administratë sensibël për ambient të pastër shqiptarë, ndërsa vazhduan të gajasen me opozitën kur disa halabakë i përzunë nga protesta kundër armëve kimike!
Pavarësisht se gjithçka po i ecte vaj Edi Ramës, Marxi do i qëndroj si çekan mbi kokë, pasi historia u përsëritë herën parë si tragjedi në vitin 1997 dhe domosdoshmërisht do ti përfundoj si farsë herën e dytë, këtij llumi komunist që ngritë pushtetin vetëm mbi tragjedinë e popullit!
Kanabizimi i gjithë Shqipërisë gjithashtu u shoqërua me të qeshura, por tashmë nga aleatët shqiptarë edhe që i kishin besuar Edi Ramës se ka shqiptarë që shqetësohen për ambientin e tyre!
Sërish histeri kolektive, zyrtarët policor u bën kultivues të marijuanës ndërsa “bujqë” të kësaj bime kriminale, po këta qytetarë që u shqetësuan për shkatërrimin e armëve kimike në tokën shqiptare, pranuan idenë e Edi Ramës për rritjen e mirëqenies duke kultivuar dhe shitur drogë!
Kjo farsë e Edi Ramës me mirëqenien, siç e tha zëvendësi i tij Arben Ahmetaj, dështoi, sepse u pasuruan vetëm ai grusht njerëzish që ishin përreth tij, përkatësisht drejtorët e policive në krah të ministrit të Brendshëm, Saimir Tahiri!
Trafiku nuk ndryshoi por vetëm lloji i drogës, dhe shumë shpejtë këta kamikazë të pushtetit që blenin vota në çdo palë zgjedhje dhe i zgjasnin jetën politike Kryeministrit nuk u bën vetëm lider të krimit elektoral por edhe të trafikut ndërkombëtar të kokainës; Ndërsa Edi Rama, ashtu siç u rrinte Enver Hoxha mbi kokë me gogolin Mbretin Zog, e vazhdoi jetën e tij politike pa asnjë sukses duke iu kujtuar shqiptarëve çdo çast, gogolin Sali!
Dhe sërish të qeshura histerike ndër shqiptar, Edi Rama dha kumtin e madh se Saliu së shpejti do damkoset me “non grata” në Ameriqi, e qeshur kjo që shumë shpejtë do të jetë shumë më e hidhur se farsa e Marxit, pasi u konfirmua se për këtë akt kriminal ishte korruptuar FBI, ose më saktë zyrtari i saj Charles McGonigal!
Shumë shpejtë kjo “non grata” humbi edhe kuptimin, Saliu vazhdoi betejën e tij, Edi Rama si bir komunisti nuk u dorëzua ndonëse po zhytej gjithnjë e më shumë në farsë duke i shkaktuar humbje të thella rivalit të tij politik ekskluzivisht me ndihmën e krimit, gjeti shkrepësen e histerisë kolektive dhe arrestoi në mënyrë më makabre aleatin e tij në rrëzimin e PD, Ilir Metën!
Mikpritja e këtij akti terrorist nga shteti, ndaj një ish-presidenti, ish-kryeparlamentari dhe ish-kryeministër, u shoqërua me një histeri kolektive që zili mund ta ketë vetëm Edi Rama pasi nuk arriti t’i gëzoi kaq shumë shqiptarët duke iu rritur çmimin e energjisë elektrike, pas tërmetit duke i lënë rrugëve ndonëse tha se kishte marrë mbi 1 miliard euro nga BE, pasi i la në mëshirën e fatit në Pandemi, ose dhe komunisti Benet Beci që me ndihmën e krimit fitoi në Shkodrën demokratike!
Dhe gjithë këtë histeri kolektive Edi Rama nuk lejoi të shuhej me dështimin e një
rrëzimi të një ndërtimi pa leje në hyrje të Shkodrës, i cili u shoqërua me një vetëkënaqësi komuniste, por, jo, dhe me gaz e hare nga ndjesia që krijonin gërmadhat që u lanë sot e kësaj dite, aty ku dikur rrufitej kafja buzë Bunës!
Shteti u ngrit në këmbë, dhe atë që nuk e bëri dot krimineli komunist Mehmet Shehu, e bëri Edi Rama në Theth! Ky krim nuk shkaktoi vetëm dridhma ndër shqiptarë që më nuk po flisnin për trimërinë e malësorëve, dhe jo vetëm që i ranë në gjunjë Edi Ramës që kishte urdhëruar t’ju rrëzoj bujtinat që kishin ndërtuar, por edhe një horri si Fatmir Metaj që ju bëri të qartë se kishte lejen t’ju shkë*dhej motrat dhe nënat!
Heshtja e këtyre njerëzve që vëllain e vrisnin po ta shikonte shtrembër dhe nuk lëvizën nga vendi kur Edi Rama që i dhanë votën po ju shembte gjithë pasurinë që kishin krijuar me premtimin e Kryeministrit për legalizim, në pjesën tjetër të Shqipërisë shoqërohej me histeri kolektive për kriminelët e “tokës së xanun”; Pa pyetur njeri për miqtë e Ramës që ndërtojnë pa leje në qendër të Tiranës!
Gjithësesi, Edi Rama u kujdes që histeria mos të pushoi, dhe aty ku ishte epiqendra më e madhe e kësaj kënaqësie, në Tiranë, Edi Rama zbriti për t’ju shembur tendat e lokaleve pavarësisht se shumica prej tyre ishin me leje.
Natyisht kishte dhe lotë që flisnin për një shuarje të shpresës se ky vend edhe bëhet, ashtu si dhe zjarret e verës, por Edi Rama u kujdes sërish që me një video, ngjashëm me ditët e para të pushtetit të tij, të ngjall reagimin qytetar.
Protagonist u bë një kamarier 18 vjeçar pasi u rrah nga një zyrtar i policisë dhe miku i tij kriminel! Pasi nxiti shpërthimin e histerisë kolektive, Edi Rama u shfaq i revoltuar nga pamjet dhe urdhëroi largimin e zyrtarit nga Policia e Shtetitpasi të dal nga Spitali, duke konfirmuar lajmin se ishte rrahur për vdekje nga pronari i hotelit ku punonte 18 vjeçari!
Edi Rama nuk foli për zjarrin që kishte shpërthyer mbi këtë hotel dhe po gllabëronte malet e Vlorës ndërsa po cenonte edhe qytetin e flamurit, sepse histeria kolektive kishte marrë kockën dhe po kënaqej me rrahjen që kishte marrë zyrtari i policisë edhe pse mungonte në këtë rast një video e rrahjes ose nga Spitali!
Histeria kishte marrë dhen dhe pak rëndësi ka për këtë popull pse reagimi qytetar u sajua nga vetë Edi Rama, ndryshe do të reagonin edhe një vit më parë, kur po ky pronar hoteli e bëri të vdekur një turist pse i këroi të mos flas fjalë banale në prani të fëmijë dhe gruas me të cilët ishin në plazh!
Kaq e kishte reagimi qytetar, por, jo dhe zjarret që po gllabërojnë malet shqiptare dhe kanë filluar të futen edhe në fshatra dhe qytete, në një shtet ku krimineli është kompliment ndërsa për të dënuarin me burgim të përjetshëm kujdeset dora vetë Edi Rama që ta liroj!
Pse?! Sepse Edi Rama vazhdon ta ketë edhe arrën edhe gurin e histerisë kolektive shqiptare…
