Holanda vendos kontrolle kufitare, rregulla të rrepta për azilantë

Holanda do kufizojë dhënien e lejeve për aplikuesit e azilit deri në tre vjet dhe do të vendos kontrolle kufitare duke filluar nga muaji nëntor në kuadër të parandalimit të migrimit të azilantëve, tha kryeministri i Holandës, Dick Schoof.

Holanda, sipas shembullit të Gjermanisë, do të vendos nga muaji nëntor kontrollin në kufi si pjesë e një plani të gjërë për parandalimin e migrimit ilegal dhe uljes së numrit të aplikuesve për azil, që është njëri ndër synimet e partisë së djathtë të Geert Wilders PVV e cila kundërshton emigracionin e muslimanëve në vend.

Leje deri në tre vjet

Përveç se do hiqen lejet e qëndrimit për kohë të pacaktuar një herë kur një person regjistrohet si kërkues i azilit, qeveria gjithashtu do të heq akomodimin e privilegjuar për ata kërkues të azilit të cilëve i është lejuar qëndrimi. Në vend të kësaj do të kenë në dispozicion njësitë e përbashkëta të banimit që do t’ju pamundësoj bashkimin me pjesën tjetër të familjes.

Pas skadimit të tre viteve, leja e qëndrimit do të shqyrtohet përsëri në mënyrë që të vendoset se kujt do ti shtyhet qëndrimi dhe kush duhet të largohet nga vendi.

Schoof tha se sot nuk mund të vlerësoj se cili do të jetë efekti i kësaj mase, por është i vendosur ta zbatoj për shkak se i ka premtuar votuesve so do ta ndaloj migrimin ilegal.

“Do të shohim se çfarë do të arrijmë me këto masa, por që kjo paketë e masave padyshim që do të ndikoj në numrin e njerëzve që do vinë në Holandë dhe atyre që do ta braktisin,” tha Kryeministri.

Kthimi i refugjatëve sirianë në Siri

Wilders, partia e të cilit mori më së shumëti vota në zgjedhjet e nëntorit 2023, duke sqaruar përmes rrjetit social X tha se nuk do të vijë deri te gjendja e jashtëzakonshme, por do të ketë masa urgjente të rrepta.

“Me këtë vërtetë jam i kënaqur!”

Partnerët e koalicionit me muaj të tërë kanë shqyrtuar masat e rrepta për marrjen e azilit në Holandë. Wilders shpresonte në shpalljen e gjendjes së jashtëzakonshme në mënyrë që të miratohen masat e rrepta pa miratimin e parlamentit. Partitë që nuk ishin dakord, theksuan se nuk ka bazë ligjore.

Koalicioni qeverisës i ka vënë vetes synim që të kthejnë refugjatët sirianë në ato pjesë të Sirisë që i shpall të sigurta.

Numri i aplikuesve të azilit është stabilizuar në rreth 40.000 në vit. Por vështirësi ka për akomodim, që është rezultat edhe i reduktimeve buxhetore dhe uljes së madhe të ofertës së përgjithshme për akomodim në Holandë.