Homazhet për Arben Tafajn, Berisha: Mirënjohje për një qytetar dhe qeveritar shembullor të Tiranës!

Një parlamentar i kryeqytetit, i aftë, i ndershëm dhe një përfaqësues dinjitoz i qytetarisë së Tiranës, ishte ky vlerësimi i Kryetarit të Partisë Demokratike, Sali Berisha, pas homazheve në nderim të kreut të shoqatës “Tirana”, Arben Tafaj, duke folur për një njeri që i kushtoi jetën e vet, veprimtarinë e tij, mbrojtjes së vlerave të kësaj qytetarie dhe ishte pa diskutim një nga përfaqësuesit më dinjitoz të saj.

“Erdha të shpreh mirënjohjen më të thellë për Arben Tafajn, një qytetar shembullor i Tiranës, një prind, bashkëshort shembullor.
Një qeveritar vendor i ndershëm, i aftë, kompetent.
Një parlamentar i kryeqytetit, i aftë, i ndershëm dhe një përfaqësues dinjitoz i qytetarisë së Tiranës.
Një njeri që i kushtoi jetën e vet, veprimtarinë e tij, mbrojtjes së vlerave të kësaj qytetarie dhe ishte pa diskutim një nga përfaqësuesit më dinjitoz të saj,” tha Sali Berisha duke përfunduar:

“I shpreh edhe njëherë ngushëllimet e mia familjes së nderuar Tafaj.
Shpreh ngushëllime për të gjithë qytetarët e Tiranës që kanë humbur një përfaqësues të shquar, për të gjithë miqtë, të afërmit e tij.”

Ndryshe, dje Kryetari i Shoqatës “Tirana”, Arben Tafaj, u nda nga jeta! Përcjellja për në banesën e fundit do të bëhet sot në ora 11:00.