Hoti heq reciprocitetin, nëse nuk reflekton Serbia masat kthehen por jo pushteti!
Ashtu siç kishte premtuar Avdullah Hoti shfuqizoi sot në mbledhjen e Qeverisë vendimin për masa reciprociteti me Serbinë ndonëse kundër këtij vendimi votuan ministrat e AAK-së. Vendimi, sipas Avdullah Hotit është i rëndësishëm pasi pret që edhe pala serbe t’i heq pengesat në mënyrë që të hapet rruga për vazhdimin e dialogut nëse kjo nuk ndodhë Hoti tha se i kthen masat por jo edhe pushtetin të cilin ia grabiti Albin Kurtit.
“Kemi marrë një vendim të rëndësishëm për heqjen e pengesave për vazhdimin e dialogut. Presim që edhe pala serbe të heq të gjitha pengesat por ne ruajmë të drejtën tonë si shtet sovran që të vendosim masa për ruajtjen e sovranitetit tonë në përputhje me partnerët ndërkombëtarë,” tha Hoti duke e arsyetuar këtë akt absurd me arsyetimin se është marrë në bashkëpunim me partnerët ndërkombëtarë.
“Këto vendime vijnë si rezultat i koordinimit me partnerët ndërkombëtarë. Zotimet që i kemi marrë janë që t’i heqim pengesat e dialogut. Edhe ambasadorit amerikan dje ia konfirmova këtë vullnet. Janë hequr të gjitha pendesat për një periudhë kohore. Nëse dialogu nuk jep rezultatet e pritura ne ruajmë të drejtën për të vendosur sërish masën e reciprocitetit,” tha Avdullah Hoti pa saktësuar nëse në këtë rast do t’ia kthej edhe pushtetin Albin Kurtit duke i kërkuar falje popullit.
Ky vendim është raportuar në mediat ende pa mbaruar mbledhja e qeverisë dh eishte lajm qendror edhe në televizionin publik të Serbisë, RTS.
Ndryshe, vendimi që është shfuqizuar sot është marrë më 20 mars 2020 me qëllim të zbatimit gradual të reciprocitetit me Serbinë dhe vendimin e datës 30 maj 2020, për plotësim ndryshimin e vendimit të parë për këtë masë.
