Hoti shkarkon bordet e 4 ndërmarrjeve publike të emëruara nga Kurti

Qeveria e Kosovës ka marrë vendim sot për shkarkim të 4 bordeve të përkohshme të drejtorëve në katër ndërmarrje publike të Kosovës, përkatësisht në Kompaninë Rajonale të Ujësjellësit “Prishtina”, në Ibër-Lepenc, në Korporatën Elektroenergjetike të Kosovës, KEK, dhe “Hidroregjioni Jugor”.

Qeveria ka bërë të ditur se ka zëvendësuar të gjithë pjesëtarët e këtyre bordeve me emra të rinj.

Ndryshe, qeveria e Ish-Kryeministrit Albin Kurti shkarkoi shumicën e bordeve të ndërmarrjeve publike në Kosovë, me arsyetimin se në to ka indentifikuar një varg keqpërdorimesh përfshirë, humbje financiare milionëshe, kontrata të pafavorshme, problem më likuiditet, mbipunësime, nepotizëm, dyfishim të pozitave, apo edhe emërime e gradime të parregullta.