Hovenier: Askush të mos harrojë apo mohojë atë që ndodhi në Reçak

Në 25 vjetorin e masakrës së Reçakut, Ambasadori i Shteteve të Bashkuara, Jeff Hovenier, tha askush të mos e harrojë apo mohojë atë që ndodhi në Reçak, ku SHBA doli në mbështetje dhe mbrojtje të popullit të Kosovës.

“Sipas fjalëve të Dr. Martin Luther King:”Padrejtësia kudo është një kërcënim për drejtësinë kudo”. Askush të mos harrojë apo mohojë atë që ndodhi në Reçak, apo pse Shtetet e Bashkuara dhe aleatët tanë dolën në mbrojtje të popullit të Kosovës. E mbaj mend mirë atë ditë,” tha Hovenier përmes rrjetit social X shoqëruar dhe me një foto nga Reçaku të një viti më parë, duke ritheksuar se në Reçak u vranë civilë të pambrojtur ndërsa përfundoi:

“Të përulur për të përfaqësuar popullin amerikan për të nderuar dhe kujtuar ata që humbën jetën në Reçak. Askush të mos harrojë apo mohojë atë që ndodhi: vrasjen brutale të civilëve të pambrojtur.”